Aımaqtar • 27 Naýryz, 2020

Qostanaı oblysynda jalǵan aqparat taratqan er adam jazaǵa tartyldy

223 ret

kórsetildi

1 mın

oqý úshin

Meńdiqara aýdanyna qarasty Qasqat eldi mekeninde turatyn 28 jastaǵy er adam vatsap messendjeri arqyly 29 naýryzdan bastap Qostanaı, Lısakov, Rýdnyı, Tobyl qalalary karantınge jabylyp, oblystyń barlyq kúre joldaryndaǵy kólik qozǵalysyna tyıym salynady degen jel sóz taratqan. Qazirgi ahýal mundaı quıtyrqylyqty kótermeıdi. Onsyz da kóńilin alań basqan el jaqsy lepeske sýsap otyr. Polısııa ashyq aýyzdyń kim ekenin anyqtap, tótenshe jaǵdaı kezinde jalǵan aqparat taratqany úshin QR QK-niń 274 baby boıynsha sotqa deıingi tergeý amaldaryn bastady. Endi bul azamat 3 jyldan 7 jylǵa deıin bas bostandyǵynan aıyrylýy múmkin.

Nurqanat QULABAEV

Qostanaı oblysynda jalǵan aqparat taratqan er adam jazaǵa tartyldy

Jergilikti polısııa qyzmetiniń bastyǵy Qurmet Májikenov tótenshe jaǵdaı rejimi jarııalanǵaly, jalǵan aqparat taratqany úshin osymen tórtinshi adam qylmystyq jaýapqa tartylyp otyrǵanyn atap ótti. Onyń asıtýynsha, oblysta kólik qozǵalysyna eshqandaı shekteý qoıylmaǵan. Tek Qostanaı-Nur-Sultan-Almaty baǵytyndaǵy kúre joldyń boıyna patrýl qyzmeti qoıylyp, tártip saqshylary jolaýshylarǵa juqpaly indetke qarsy el ishinde júrgizilip jatqan is-sharalardyń mán-jaıyn túsindirip, atalǵan eki qalaǵa kirýge jáne shyǵýǵa tyıym salynǵanyn túsindirý jumystaryn júrgizýde.

Polısııa oblys turǵyndaryn áleýmettik jeliler arqyly tolassyz tarap jatqan jel sózge ılanyp, bekerge dúrligýden saqtanýǵa úndedi. Sondaı-aq, resmı aqparatqa ǵana sený kerektigin eskertti.

Qostanaı oblysy