Azamattardyń qaýipsizdigin barynsha qamtamasyz etý maqsatynda isterdi qashyqtyqtan qaraý rejımi qolǵa alynyp, respýblıka sottarynda uıaly beınebaılanystyń 152 serveri iske qosylǵan. 18-19 naýryzda qosymsha 85 server ornatyldy. Bıyl 16-20 naýryz aralyǵynda beınebaılanys arqyly 3 myńnan astam sot otyrysy ótti. Sonyń ishinde 1846-sy – uıaly, al 1301-i – stasıonarlyq rejımdegi beınebaılanys arqyly qosyldy.
Sonymen qatar «Sot kabıneti» qyzmeti 90-nan asa qujat túrin elektrondy túrde joldaýǵa múmkindik beredi. Qazirgi tańda sottarǵa 190 myńnan asa elektrondy ótinish joldanǵan.
Sýdıalar men sot qyzmetkerleriniń 70%-y qashyqtan jumys isteý tártibine kóshti.
