Syrtqy ister mınıstrligi 27 aqpannan bastap azamattarǵa birinshi sanattaǵy elderge saparlaýdan bas tartýdy jáne múmkindiginshe ekinshi sanattaǵy elderge sapardy keıinge shegerýdi usynyp, bul málimdemeni týrıstik salada jumys isteıin uıymdarǵa taratqan.
Buǵan qaramastan 16 naýryzǵa deıin 435 myń azamat shetel asyp úlgergen. Olardyń kóbi jyly elderge demalýǵa shyqqan. Mysaly, tek Mysyrǵa – 5616, BAÁ-ǵa – 6778, Túrkııaǵa – 8327, Taılandqa – 1342, Maldıv araldaryna 487 otandasymyz barǵan. Bul qatarda Meksıka, Domınıkan Respýblıkasy,Býrkına-Faso, Brazılııa sııaqty ekzotıkalyq elder de bar.
– Sol tusta ulttyq avıatasymaldaýshylar kóptegen elge ushýdy belsendi túrde qysqarta bastady. Bizdiń azamattar buǵan da toqtaǵan joq. Suranystyń kúrt tómendeýinen týrıstik joldamalardyń baǵasy da arzandaı berdi. Al bul jaǵdaıdy nege paıdalanbasqa... Otandastarymyzdyń kóbi kórshi elderdiń avıatasymaldaýshylarymen usha bastady. Osylaısha Reseı arqyly – 174378, Qyrǵyzstan arqyly – 118199, О́zbekstan arqyly – 109125 qazaqstandyqtar ushyp ketti. Budan ári bul tranzıttik jolaýshylar eýropalyq elderge jáne kýrorttyq óńirlerge baǵyt aldy, – dedi Aıbek Smadııarov.
