«Janjaldyq jaǵdaılardyń paıda bolýynyń alǵysharttary tek turmystyq turǵydaǵy qaqtyǵystar bolyp tabylatynyn atap ótken jón. Aǵymdaǵy jyldyń 5 aqpanynda Qordaı aýdany Sortóbe aýylynda tasjol ústinde eki túrli ult ókilderiniń arasynda oryn alǵan jaǵdaıdan qart adamǵa jaraqattar keltirilgen. Bul qylmys boıynsha eki adam kúdikke ilingen. Onyń bireýi sot sanksııasymen qamaýǵa alynǵan. Jaqyn arada tergeý jumystaryn aıaqtap, isti sotqa joldaımyz. Osy aýyl turǵyndarynyń biri 7 aqpan kúni óziniń basqarýyndaǵy Honda Odısseı markaly avtokóligimen polısııa qyzmetkerleriniń zańdy talabyna baǵynbaı, óziniń úıine ketip qalǵan. Úıiniń janynda avtokólik júrgizýshisi óziniń týystary men polısııa qyzmetkerlerine qarsy kúsh qoldanǵan. Kúdiktiler birden ustalyp, sot sanksııasymen qamaýǵa alynǵan. Olardyń zańsyz áreketteri polısııa qyzmetkerleriniń jaýaptarymen ǵana emes, kýágerlerdiń uıaly telefondaryna jazylǵan beınejazbalarmen rastalady. Osy oqıǵany ınternet-resýrstardaǵy beınerolıkterden de kórýge bolady», dedi Erlik Kenenbaev.
Sot úkimimen kináli dep tabylǵan 3 adam sottalǵan.
«Osy jyldyń 18 naýryzyndaǵy sot úkimimen osy úsh adam kináli dep tabylyp, sottalǵan. Sot árqaısysyna 1,5 jyldan bas bostandyǵynan aıyrý jazasyn taǵaıyndady. Oryn alǵan oqıǵalardan soń aýdannyń jergilikti turǵyndary áleýmettik jeli jáne messendjerler arqyly jaǵymsyz habarlamalardy jibere bastady. Bul jaǵdaıda krımınaldyq elementter paıdalana otyryp, messendjerler arqyly áleýmettik alaýyzdyqty nasıhattap, zorlyq-zombylyq áreketterin jasaýǵa shaqyrǵan. Jalǵan aqparattardyń yqpalyna túsken kórshi eldi-mekenderdiń, basqa oblys jáne qalalardyń turǵyndary toptasyp, Sortóbe men Masanshy aýyldaryna kele bastaǵan Sóıtip, 8 aqpanǵa qaraǵan túni atalǵan aýyldarda jappaı tártipsizdik bastalyp, ol kúsh qoldaný, tonaý, múlikti buzý, órteý jáne joıýmen ushtasqan. О́kinishke qaraı, zardap shekkender de bar. Bizdiń 11 azamatymyz qaza tapty, 192 azamat ártúrli dene jaraqatyn aldy. Onyń ishinde 19-y polısııa qyzmetkerleri. 168 turǵyn úı, 122 avtokólik búlingen jáne órtengen. Polısııa kúshteri men Ulttyq ulan qyzmetkerlerimen jaǵdaı baqylaýǵa alyndy», dedi Bas Prokýrordyń orynbasary.
Onyń aıtýynsha, qylmystyq isterdi tergeý sheńberinde sot sanksııasymen 7 adam qamaýǵa alynǵan. Búgin Jambyl oblysy, Almaty jáne Shymkent qalalarynda jappaı tártipsizdikke belsendi qatysýshylardy ustaý boıynsha arnaıy operasııa júrgizilgen.
«Búgingi kúni Memleket basshysynyń tergeýdiń tolyqtyǵyn, obektıvtiligin barlyq kináli tulǵalardy jazaǵa tartýdy qamtamasyz etý jónindegi tapsyrmasyna sáıkes Prokýratýra jáne Ishki ister organdarynyń qyzmetkerleri qatarynan qurylǵan vedomstvo aralyq jedel tergeý tobymen jappaı tártipsizdik jaǵdaıy tergelýde. Barlyq búlingen obektiler men avtokólikterge qaraý júrgizý aıaqtalyp, tıisti saraptamalar taǵaıyndaldy. Qylmystyq isterdi tergeý sheńberinde sot sanksııasymen 7 adam qamaýǵa alynǵan. Búgin Jambyl oblysy, Almaty jáne Shymkent qalalarynda jappaı tártipsizdikke belsendi qatysýshylardy ustaý boıynsha arnaıy operasııa júrgizildi. Onyń nátıjesinde 25 adam ustaldy. Olardyń ishinde qazaqtar, qyrǵyzdar jáne dúngender bar. Onyń 7-ýi buryn sottalǵan. Isterdiń tergelýi jalǵasýda jáne bizdiń erekshe baqylaýymyzda», dedi Erlik Kenenbaev.
Osy jaǵdaıdy paıdalana otyryp, qazaqstandyqtardy tek resmı aqparatqa senýge jáne taratýǵa shaqyrdy.
«Qylmystyq isterdiń tergelý barysynda tek resmı derekkózderine ǵana senim artýdy, ártúrli arandatýshylarǵa berilmeýdi surady. Jalǵan málimetterdi taratýǵa jáne joldaýǵa jol bermeý qajet. Sot tóreligin júzege asyrýǵa jáne sotqa deıingi tergeý júrgizýge kedergi jasaǵany úshin QR Qylmystyq kodeksiniń 407 babymen qylmystyq jaýapkershilik kózdelgenin túsindiremin. Búgin tolyq senimmen Qordaıdaǵy jaǵdaı turaqty dep aıta alamyn», dedi Bas Prokýrordyń orynbasary Erlik Kenenbaev.
