«Nur-Sultan qalasynyń qoǵamdyq densaýlyq saqtaý basqarmasy medısınalyq mekemelerge tirkelgen turǵyndardy maskamen qamtamasyz etý maqsatynda «SK-Farmasııa» JShS-nen 300 000 medısınalyq maska aldy. Medısınalyq maskalar dıspanserlik esepke alynǵan onkologııalyq aýrýǵa shaldyqqan naýqastarǵa, júkti áıelderge úlestirilýde. Osylaısha, bir jolǵy ret aıaǵy aýyr áıelderdi qamtamasyz etý úshin 68 500, egde jastaǵy azamattar úshin 183 500, onkologııalyq aýrýlarǵa shaldyqqan azamattar úshin 48 000 maska bólindi», – dep málimdedi ákimdikte.
Búgingi tańda alynǵan medısınalyq maskalardyń 10% turǵyndar arasynda taratylǵan. Egde jastaǵy pasıentterge volonterler men medısınalyq mekemelerdiń qyzmetkerleri maska men qajetti dári-dármekterdi úılerine jetkizip berýde.
