Oblystyq Densaýlyq saqtaý basqarmasy basshysynyń mindetin atqarýshy Birjan Dosmaıylovtyń málimdeýinshe, oblys ortalyǵynda turatyn azamat koronavırýstyq ınfeksııany Nur-Sultan qalasynda juqtyrǵan.
– Er azamat buǵan deıin Nur-Sultan qalasynda koronavırýs ınfeksııasyna shaldyqqan adammen baılanysqa túsken. Qazir naýqas bekitilgen medısınalyq tártipke sáıkes arnaıy daıyndalǵan emdeý ornyna jatqyzyldy.
Birjan Dosmaıylovtyń aıtýyna qaraǵanda, qazirgi ýaqytta naýqastyń jaǵdaıy qalypty. Dene qyzýy tıisti deńgeıde. Baqylaýda.
Al, er azamatpen aralasqan basqa adamdar da anyqtalyp, qajetti is-sharalar qoldanylýda.
Qazir óńirde COVID-19 vırýsynyń taralýynyń aldyn-alý úshin táýlik boıy arnaıy shtab jumys isteýde. Oblystyq balalar aýrýhanasynda 60 orynǵa arnaıy arnalǵan jeke bokstar, 100 oryndyq provızorlyq stasıonar jasaqtalǵan.
Sonymen qatar, 150 oryndyq gospıtal daıyn. Medısına mamandary koronavırýsty emdeý jáne dıagnostıka jasaý boıynsha oqý kýrstarynan ótken.
PAVLODAR
