Qytaıdan taraǵan indet Shyǵys Qazaqstan oblysynda da anyqtaldy. Naqtyraq aıtqanda, Semeı qalasynda koronavırýs dertiniń alǵashqy 2 jaǵdaıy rastaldy. «Otbasylyq jup 1959 jyly dúnıege kelgen. Olar 2020 jyldyń 21 naýryzynda elimizge "Sharm-El-Sheıh – Nursultan" reısimen oralǵan. Egıpette demalysta bolǵan. Semeı qalasyna óz kóligimen jetken. Olarmen birge otbasy músheleri, ıaǵnı, taǵy 5 adam bolǵan. 2020 jylǵy 28 naýryzda júrgizilgen COVID-19 taldaýy tórt adamda teris nátıje kórsetti. Bir taldaý qazirgi ýaqytta zertteý barysynda. Sonymen qatar, olarmen baılanysta bolǵan taǵy bir adam anyqtaldy. Onyń da analızi tekserýge alyndy. Qazirgi tańda tórteýi provızorlyq stasıonarǵa oqshaýlanǵan, qalǵan tórteýi karantındik stasıonarda dárigerlerdiń baqylaýynda. Aıta keteıin, naýqastardyń jaǵdaıy turaqty aýyrlyǵy ortasha deńgeıde. Alǵashqy shaǵymdary dene qyzýy men sırek jótelge bolǵan. Jedel medısınalyq kómek brıgadasy shuǵyl áreket etip, algorıtmge sáıkes arnaıy kapsýlalarda olardy stasıonarǵa jetkizdi. Qazirgi ýaqytta bul adamdar turatyn oryndarǵa dezınfeksııa jumystary júrgizilýde» dep jazdy oblys ákimi Danıal Ahmetov óziniń feısbýktegi paraqshasynda.
Birer saǵattan keıin О́skemende tıisti sala mamandarynyń qatysýymen brıfıng ótedi dep kútilýde. Qosymsha aqparattardy brıfıngten keıin habarlaımyz.
Shyǵys Qazaqstan oblysy
