«28 naýryzda qalalyq stasıonarlarda 1406 adam bar,onyń ishindegi 105-i bala. Búgingi kúni Nur-Sultan qalasynda koronavırýs ınfeksııasynyń 107 jaǵdaıy tirkelgen, eki naýqas jazylǵan. 27 naýryzda 15 oqıǵa tirkelse,28-i kúni taǵy 32 jaǵdaıanyqtaldy. Eki kún ishinde 47 oqıǵa tirkeldi. Olardyń 41-i nemese 87% buryn oqshaýlanǵan jáne stasıonarlyq baqylaýda turǵan jaqyn qarym-qatynasta bolǵan adamdar», - dedi Sáýle Qısyqova onlaın-brıfıng barysynda.
Onyń aıtýynsha, qazirgi tańda vırýs anyqtalǵan naýqastyń bári aýrýhanada jatyr.
«Olarmen baılanysta bolǵan adamdardy anyqtaý jáne olardy oqshaýlaý jumystary bastalyp ketti. Qazirgi ýaqytta qalalyq stansıonarda jatqan koronavırýs juqtyrǵan adamdar ishinde ekeýi turaqty aýyr jaǵdaıda jatyr. Olar jasandy tynys alý qurylǵysymen jatyr. Dárigerler konsılıýmy qurylyp, emdeý joldary men ádisteri engizilip jatyr. Olar koronavırýstyq ınfeksııa hattamasy boıynsha em alýdy jalǵastyrýda. Qalǵan naýqastardyń jaǵdaıy qanaǵattanarlyq. Olar da em alyp jatyr», dedi Sáýle Qısyqova.
