Sot prosesterinde adamdardyń baılanysyn alyp tastaý jáne olardyń ómiri men densaýlyǵyna qaýipti azaıtý maqsatymen, sottar ákimshisi mynadaı tapsyrma qoıdy: beınekonferensbaılanys júıelerin sapaly qoldana otyryp, sot májilisterin qashyqtyqtan ótkizýdi jolǵa qoıý.
Aqmola oblysy boıynsha sottar ákimshisiniń aqparattyq tehnologııalar jáne aqparattyq resýrstardy qorǵaý bólimi reseılik, Moskva qalasynyń kompanııasy «TrueConf» JShQ-men yntymaqtastyq jasasty. Osynyń nátıjesinde «TrueConf» JShQ-y 2020 jyldyń 1 maýsymyna deıin onlaın baılanys rejıminde sot prosesterin ótkizý úshin 1000 eseptik jazbalardy beretin boldy.
Eseptik jazba azamattarǵa sotpen beınekonferensbaılanys júıesine qosylýǵa múmkindik beredi. Aǵymdaǵy jyldyń 20 naýryzynan bastap osy eseptik jazbalar oblys sottary boıynsha bólip taratyldy jáne tehnıkalyq máseleler sheshildi Sottardyń beınekonferensbaılanys rejıminde sot prosesterin ótkizý boıynsha jumysy jeńildetilgen, onlaın rejıminde isterdi qashyqtan qaraýǵa sottar tolyq kóshti.
Qazirgi tańda Aqmola oblysynyń sottary sot májilisterin qashyqtan ótkizý úshin arnaıy eseptik jazbalarmen 100 paıyz qamtamasyz etilgen. TrueConfServer ár túrli rejımderde jáne 4K UltraHD deıingi ajyratymdylyǵynda beıne qońyraý shalýlar men konferensııalardy úzdiksiz ótkizýdi qamtamasyz etedi. Árbir azamat kez-kelgen qoljetimdi qurylǵynyń (derbes kompıýterdiń, noýtbýktyń, planshettiń nemese smartfonnyń) kómegimen onlaın sot prosesterine qatysa alady.
