Oblystyq taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Álııa Ábdiqaıymovanyń aıtýynsha 1955 jyly týǵan qala turǵyny kóp ýaqyt boıy Ońtústik Koreıada jumys babymen bolǵan. Qyzylorda qalasyna osy jyldyń 1 naýryzy kúni kelgen. Sol ýaqytta talapqa saı 14 kún dárigerlik tekserýden de ótken. Biraq dert belgisi keshe ǵana belgi berip otyr.
– Qazir naýqas jaqyn aralasqan adamdardyń sany anyqtaldy. Olardyń barlyǵy talapqaı saı baqylaýǵa alynyp, tekserýden ótedi. Aýrýdyń odan ári tarap ketpeýine barymyzdy salamyz. Turǵyndardan da dúrbeleńge salynbaı, sanıtarlyq talaptardy saqtap júrýin suraımyz. Durysy, talapqa kónip, úıden syrtqa kóp shyqpaǵan durys. Úlken saýda oryndarynda dezınfeksııalyq tazalyq jumystarynyń júrgizilýin baqylaýdy kúsheıte túsemiz, – dedi Álııa Ábdiqaıymova.
