Álem • 28 Naýryz, 2020

Germanııa: Qoǵamdyq kólik qatynasyna shekteý qoıylady

11 ret kórsetildi

Koronavırýs sheńgeline arandaǵan Germanııada 46 myńnan astam adam atalǵan vırýsty juqtyrǵan. Eýropa elderi arasynda koronavırýs jutyrǵan adamdary sany jóninen Italııa men Ispanııadan keıingi úshinshi orynda turǵan bul el indetke qarsy sharalardy kúsheıtip, qoǵamdyq kólik qatynasyna shekteý qoıýdy qarastyryp jatyr.

Sońǵy bir táýlikte Germanııada 5780 adam koronavırýs juqtyrǵan. Elde 55 adam qaıtys boldy. Úkimet sheshimimen indettiń taralýyna qarsy qatal sharalar qabyldansa da, tipti 2 adamnan artyq jınalýǵa tyıym salynyp, barlyq dámhanalar jabylsa da jaǵdaı ýshyǵyp tur. Endi qoǵamdyq kóliktegi jolaýshylar sanyn azaıtý kózdelip otyr. Jýyrda temirjolshylar odaǵy poıyzdar sanyn eki ese qysqartýdy talap etti. Birinshiden, bul vırýstyń taralýyna jol bermeıdi.

Resmı derek boıynsha el ishindegi saıahat sany 30%-ǵa qysqarǵan., Germanııa densaýlyq saqtaý mınıstri Iens Shpannyń aıtýynsha, indet taralýyn báseńdetý úshin qoǵam tirshiligine shekteý qoıý qajet. Halyqtyń vırýsqa osal toptaryn qorǵaýǵa alyp, olarǵa qamqorlyq kórsetýdiń jańa sheshimderi ázirlenbek. Vırýsqa qarsy sharalardy jumsartý týraly áńgime qozǵaýǵa áli erte. Sondaı-aq ol qatal sharalar bızneske zııanyn keltirip turǵanyn, shekara jabylǵandyqtan elge týrıster kelmeı qalǵanyn, kóbisi qashyqtan jumys isteý tártibine kóshkenin aıtady.

Elde taksı júrgizýshileri kúndelikti tabysy júzdegen eýrodan jıyrma eýroǵa túskenin jasyrmaıdy. Máselen, germanııalyq taksıshi Adı Venera óz suhbatynda: «Osydan segiz kún buryn jumysym eki ese azaıǵanyn aıtyp edim. Qazir bolsa 90%-ǵa azaıdy. Elý jyldyq taksılik jumysymda mundaı jaǵdaı kezdespegen» depti.

Aıta keteıik, elde avtobýspen jolaýshylardy tasymaldaıtyn 400-deı fırma zor shyǵynǵa batqanyn jarııalaǵan. Kásipkerler aldaǵy tórt aptada jaǵdaı turaqtalmasa, bankrot jarııalaýǵa nemese úkimetten kómek suraýǵa májbúr bolatynyn eskertip otyr.

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar