Osyǵan oraı Shyǵys Qazaqstan oblystyq densaýlyq saqtaý basqarmasynyń basshysy Ilııas Muhamedjanov tikeleı efırde málimdeme jasady:
- Naýqastardyń jaǵdaıynyń aýyrlyǵy ortasha deńgeıde. Alǵashqy shaǵymdarynda dene qyzýy men sırek jótel bolǵan. 1959 jyly týǵan azamatqa eki oshaqty pnevmonııa dıagnozy, al áıel adamǵa bronhopnevmonııa dıagnozy qoıylǵan. Jedel medısınalyq kómek brıgadasy shuǵyl áreket etip, algorıtmge sáıkes arnaıy kapsýlalarda olardy stasıonarǵa jetkizdi. Jaǵdaı qadaǵalaýda tur. Jáne barlyq jaýapty qyzmetterdiń baqylaýynda,- dedi oblystyq densaýlyq saqtaý basqarmasynyń basshysy.
Qazirgi ýaqytta bul adamdar turatyn oryndarǵa dezınfeksııa jumystary júrgizilýde. Atap aıtqanda, «Shyǵys» óńirlik qolbasshylyǵy RQB qorǵanys bólimsheleri dezınfeksııa júrgizdi. «Shyǵys» óńirlik qolbasshylyǵy bólimsheleriniń jeke quramy, bıologııalyq qorǵaý, qalalyq máslıhat qyzmeti de jumylǵan. Dezınfeksııalyq eritindisi bar jeke gazsyzdandyrý jıyntyǵymen jabdyqtalǵan áskerı qyzmetshiler osy úılerdiń aýdanynda ornalasqan dárihanalardy, dúkender men balalar alańdaryn qosa alǵanda, ınfeksııany juqtyrý qaýpi bar birneshe turǵyn úılerdi óńdedi. Dezınfeksııalaý jónindegi is-sharalar koronavırýstyq ınfeksııanyń taralýyn boldyrmaý jónindegi jedel shtabpen ózara is-qımylda uıymdastyrylýda.
- Irgeles aýmaqty óńdeý arnaıy dezınfeksııalyq eritindimen júrgiziledi, onyń áreketi bes saǵatqa deıin sozylady. Úı turǵyndary men jerge áser etpeıdi. Búgingi kúni Fızkýltýrnaıa kóshesindegi úılerdi óńdeý úshin 400 lıtr jýyq zat paıdalanyldy, - dedi «Shyǵys» óńirlik qolbasshylyǵynyń radıasııalyq, hımııalyq jáne bıologııalyq qorǵaý áskerleriniń bastyǵy polkovnık Qaırat Turǵanbekov.
