Soǵan sáıkes, elordada 27 naýryzda – 15, 28 naýryzda 32 koronavırýs juqtyrý oqıǵasy (KVI) tirkelgen. Solardyń 41-i, ıaǵnı shamamen 90 paıyzy buǵan deıin vırýs juqtyrǵandarmen jaqyn baılanysta bolǵan, buryn oqshaýlanǵan jáne stasıonarlyq baqylaýdaǵy adamdar.
Monıtorıng barysynda 6 adamnyń vırýs juqtyrǵany anyqtaldy. Olardyń bireýi qolaısyz epıdemıologııalyq jaǵdaıy bar elden kelgen. Qalǵan 5 adam KVI naýqastarymen baılanysta bolǵan.
Búgin KVI-dan saýyqqan 11 naýqas úılerine shyǵarylady. Olar 16-17 naýryzda Nur-Sultannyń juqpaly aýrýlar aýrýhanasynda stasıonarlyq emdeldi.
«Barlyq pasıentter KVI dıagnostıkasy men emdeýdiń klınıkalyq hattamasyna sáıkes emdeý shemasyn tolyq aıaqtady. Júrgizilgen emdeýden keıin 24 saǵat ıntervalymen KVI-ǵa zerthanalyq zertteý 2 ret jasalyp, saraptama teris nátıje kórsetti. Olar 14 kún boıy úı karantıninde bolady», dedi S. Kısıkova.
