Taraz qalasynyń 30 jastaǵy turǵyny úıinde betashar ótkizgeni úshin qylmystyq jaýapkershilikke tartyldy. Ol 5 táýlikke qamaldy.
Taraz qalalyq polısııa departamentiniń qyzmetkerleri betashar júrgizgen asabaǵa TJ kezindegi tártipti túsindirip, eskertý jarııalady.
Aıta ketý kerek, keshe Tótenshe jaǵdaıda toı toılaıtyndarǵa tosqaýyl qoıylýy kerek ekendigi týraly jazǵan bolatynbyz. Memleket basshysy dúıim jurtty dúrliktirgen COVID-19 vırýsyna baılanysty elimizde tótenshe jaǵdaı jarııalady. Karantın engizip, «Oıyn-saýyq, sporttyq jáne basqa da buqaralyq is-sharalardy, sondaı-aq, otbasylyq, salt-dástúr is-sharalaryn ótkizýge tyıym salynsyn» degen Qaýly shyǵardy. Alaıda keıbir toıshyl qaýym osy kezeńderde toıdy qalaı ótkizemiz dep «bas aýyrtyp» júrmegen sekildi.
