«Jaıaý patrýldeý baǵyttary men patrýldik polısııa brıgadasy qaıta qaralyp, toptastyryldy. Qyzmet kórsetý mehanızmi jańartyldy. Jumysqa tartylǵan qyzmetkerler engizilgen shekteýlerge sáıkes halyq arasynda túsindirý jumystaryn damytýǵa basa nazar aýdarady.
Tótenshe jaǵdaı rejımin jáne shekteýdi qasaqana buzǵan jaǵdaıda, quqyq buzýshyǵa qatysty qylmysynyń aýyrlyǵyna baılanysty ákimshilik jáne qylmystyq sharalar qoldanylady. Bul sharalar eń aldymen qalada koronovırýstyq ınfeksııanyń taralý qaýpin azaıtýǵa jáne azamattardyń ómiri men densaýlyǵynyń qaýipsizdigi úshin baǵyttalǵan», - dep habarlady, Almaty qalalyq polısııa Departamentiniń bastyǵy, polısııa polkovnıgi Qanat Taımerdenov.
Sonymen qatar, polısııa, ózimiz ben jaqyndarymyz úshin ortaq jaýapkershilikti kúsheıte túsýge shaqyrdy. Úıden tek azyq-túlik, dári-dármek satyp alýǵa jáne medısınalyq mekemelerge barý kerek kezde ǵana shyǵý usynylady.
