Qoǵam • 30 Naýryz, 2020

iKOMEK operatorlar sanyn eki esege deıin kóbeıtti

168 ret

kórsetildi

1 mın

oqý úshin

Tótenshe jaǵdaı jarııalanýyna baılanysty iKOMEK109 qyzmeti turǵyndarmen qala tirshiligin qamtamasyz etýdegi barlyq suraqtar boıynsha ózara qarym-qatynas ornatýdyń, sondaı-aq koronavırýs ınfeksııasy (KVI) men karantın máseleleri boıynsha biryńǵaı jedel jeli retinde jarııalandy. Bul týraly elorda ákimdiginiń resmı saıty habarlady.

Egemen Qazaqstan

iKOMEK operatorlar sanyn eki esege deıin kóbeıtti

- TJ kezinde biz operatorlar sanyn kóbeıttik. Osylaısha, aýysymyna ádettegideı 30 emes, 53 adam jumys isteıdi. Biz, sondaı-aq, baılanys arnasyn keńeıttik. Endi kútý rejımine 120 turǵynǵa deıin ala alamyz,- dedi iKOMEK qalalyq ortalyǵynyń jetekshisi Jannat Dýbırova.

Kún saıyn iKOMEK ortalyǵyna 7 myńnan 29 myńǵa deıin ótinish kelip túsedi.

- TJ jarııalanǵandyqtan jáne biryńǵaı baılanys ortalyǵynyń jumysyna úlken salmaq túskendikten barlyq turǵyndardy arnaıy azamattarǵa yńǵaıly bolý úshin ázirlengen sıfrlyq servısterdi paıdalanýǵa shaqyramyz. Onyń qatarynda, iKOMEK mobıldi qosymshasy, ákimdik saıtynda ótinish berýge arnalǵan úlken qyzǵylt sary batyrma, iKOMEK telegramm-boty jáne Smart Astana mobıldi qosymshasy bar. Birinshi qońyraý shalǵanda operator jaýap bere almaıtyn suraqtar tirkelip, KVI taralýyn aldyn alý jónindegi jedel shtabqa joldanady, - dep túsindirdi J. Dýbırova.