Bul baǵytta Aqtóbe oblysynda qaıyrymdylyq aksııalary turaqty sıpat alyp keledi. Buǵan birinshi kezekte «Atameken» Ulttyq kásipkerler palatasynyń óńirlik ókilderi men «Qyzyl aı» qoǵamynyń oblystyq fılıaly uıtqy bolýda. Sóıtip olar búgingi kúni medısına medbıkelerine indetke qarsy qoldanylatyn gegıenalyq qural-jabdyqtar jetistirip berip otyr. Ekinshi kezekte atalǵan uıym janashyrlary turmysy tómen jáne múgedek balalardy tárbıelep otyrǵan otbasylarǵa, sondaı-aq múmkindikteri shekteýli azamattarǵa azyq-túlik paketterin taratyp júr. Saýaby men shapaǵaty mol iske eriktiler jáne aqtóbelik isker áıelder keńesiniń músheleri de bir kisideı jumylǵan. Olar arnaıy tizim boıynsha ázirlengen zattar men azyq-túlikti joǵaryda atalǵan sanatqa kiretin jandardyń meken-jılaryna jetkizip berýde.
-Qazirgi kezde pandemııaǵa qarsy batyl is-qımyl tanytý qyzmetimizdiń basty bir bóligine aınaldy. Sonyń nátıjesinde bizge áleýmettik jaı-kúıin habarlaıtyn adamdardyń qatary kúnnen-kúnge ósip keledi. Biz olardyń arasynan kómekke shyn muqtajdaryn anyqtap, kezekke qoıamyz. Árıne olardyń bárine bir mezgilde kómek kórsetý ońaıǵa túse bermeıdi. Sondyqtan bul úshin kýpon tartyp, keıbir baǵdarlamalarymyzdan túsken qarajatty osyndaı ıgi isterge aýdaramyz deıdi «Qyzyl aı» qoǵamy fılıalynyń dırektory Nurlan Úderbaı.
Tutastaı alǵanda búgingi kúni oblys boıynsha 4500 otbasyǵa áleýmettik ókmek kórsetý sharalary belgilengen.
