Al, «Áleýmettik medısınalyq saqtandyrý qory» kommersııalyq emes AQ-nyń oblys boıynsha dırektory Nurlan Qasymovtyń aıtýynsha, óńirde 14 myńǵa jýyq adamnyń mártebesi anyqtalmaǵan. Qazir olardy izdestirý sharalary júrgizilýde.
Buǵan deıin fılıal mamandary «Mindetti áleýmettik medısınalyq saqtandyrý júıesiniń» tıimdiligin túsindirip, aýdan ortalyqtary men shalǵaı aýyldardy aralap, kezdesýler ótkizgen.
Tipti, osy júıe arqyly baǵasy qymbat MRT, KT qurylǵylarynan tegin ótken turǵyndar da az emes.
Al, mártebesi anyqtalmaǵandar tegin qyzmetti alýy úshin ekinshi deńgeıli bankter arqyly aı saıyn jarna aýdarýy kerek.
-Qazirgi ýaqytta emhanalarda aqsha tóleýge arnalǵan termınaldar ornatylýda. О́zin-ózi jumyspen qamtyp otyrǵan adamdar jarnany aı saıyn tólegeni jón. Barlyq qarjy Ulttyq bankindegi qordyń esebine kelip túsedi. Qarajat kelisimshartqa otyrǵan medısınalyq uıymdardyń qyzmeti úshin tólenedi,-deıdi N. Qasymov.
Jergilikti turǵyndar mindetti áleýmettik medısınalyq saqtandyrýǵa qatysty tolyq aqparatty fms.kz saıtynan ala alady. Kelisimshartqa otyrǵan barlyq medısınalyq uıymdarda arnaıy stıkerler ornatylǵan.
Pavlodar oblysy
