Sondaı-aq, 103 Jedel járdem jelisine jáne 1406 biryńǵaı respýblıkalyq nómirine qońyraý shalýǵa bolady.
Oblystyq densaýlyq saqtaý basqarmasynyń málimetinshe, COVID-19-ben kúres talaptarynyń hattamasyna sáıkes oblys ortalyǵynda 845 tósek-oryn daıyn tur.
Olar týberkýlez dıspanseriniń jeke ornalasqan ǵımaratynda, Ǵ. Sultanov atyndaǵy oblystyq aýrýhananyń jáne oblystyq balalar aýrýhanasynyń ınfeksııalyq bólimshelerinde ornalasqan.
Sonymen birge, hırýrgııalyq-akýsherlik jáne qosymsha karantındik gospıtaldar da daıyn. Hırýrgııalyq-akýsherlik gospıtal koronavırýsqa taldaýy rastalýy múmkin adamdarǵa ota jasaýǵa arnalǵan.
Medısınalyq preparattar men dezınfeksııalaý quraldarynyń barlyq qory bar.
Basqarma mamadary óńir turǵyndaryn áleýmettik jeliler men messendjerlerdegi koronavırýs týraly jalǵan málimetterge senbeýge shaqyrady.
Barlyq senimdi aqparatty elimizdiń Densaýlyq saqtaý mınıstrligi men Taýarlar men qyzmetterdiń sapasyn baqylaý komıtetiniń, sondaı-aq, vedomstvolardyń Facebook-tegi resmı paraqshalarynan alýǵa bolady.
Pavlodar oblysy
