Rýhanııat • 30 Naýryz, 2020

Aqyn Amanhan Álimuly dúnıeden ótti

850 ret kórsetildi

Belgili aqyn, ádebıettanýshy, Qazaqstan Jazýshylar odaǵynyń múshesi, Halyqaralyq «Alash» ádebı syılyǵynyń laýreaty Amanhan Álimuly 68 jasynda dúnıeden ótti.

Amanhan Álimuly 1952 jyly 20 qańtarda Túrkistan oblysy, Otyrar aýdany, Qojatoǵaı aýylynda týǵan. 

1969 jyly sol aýyldaǵy Amangeldi atyndaǵy orta mektepti bitirgen. 1975 jyly QazUÝ-dyń jýrnalıstıka fakýltetine oqýǵa túsip, 1981 jyly támamdaǵan. 

1981-1989 jyldar aralyǵynda «Qazaqstan pıoneri», «Lenınshil jas», «Qazaq ádebıeti», «Túrkistan» jáne «Qazaq radıosy» sııaqty respýblıkalyq baspasóz salalarynda qyzmet etti.

1991-1993 jyldar aralyǵynda Máskeýdegi M.Gorkıı atyndaǵy Ádebıet ınstıtýtynyń janyndaǵy joǵarǵy kýrsynyń kúndizgi bóliminde oqıdy.

Amanhan Álimuly Qazaqstan Respýblıkasynyń Mádenıet qaıratkeri, M.Maqataev atyndaǵy syılyqtyń laýreaty, «Ońtústik Qazaqstanǵa Eńbegi sińgen» medalimen, sondaı-aq «Jandos» atyndaǵy syılyqtyń ıegeri, «Ult patrıoty» gramotasymen marapattalǵan. Túrkistan oblysy,  Arys qalasynyń Qurmetti azamaty. 

Aqyn A.Álim «О́tkirdiń júzi», «Aınury alaqanymda», «Janymnyń japyraǵy», «Bes qońyraý», «Ataqonys», «Kezdesý» pýblısıstıkalyq jáne óleńder jınaǵynyń avtory.

«Aqıqat» jýrnalynyń Bas redaktory qyzmetin atqaryp turǵan ýaqytta Amanhan Álimuly Prezıdent Q.Toqaevtyń 29 qarashadaǵy jarlyǵymen «Qurmet» ordenin ıelengen bolatyn.

Uqsas jańalyqtar