KÚRES KÚNDE JÚRIP JATYR

Shyraıly Shyǵystyń sútteı uıyǵan alty-jeti aýdandarynyń turǵyndaryn bir aıǵa jýyq tasqyn sý úreılendirip, mazasyn ala bastady. Elbasy N. Nazar­baev syn sátte shuǵyl sheshim qabyldap, Úkimet basshysyna topan sý basqan aımaqtarǵa jedel kómek kórsetý jóninde tapsyrma berdi. Úkimetten 849 mıllıon teńge qarjy sý basqan aýdandarǵa bólindi. Endi, mine, Elbasynyń tapsyrmasyna sáıkes 31 naýryz - 1 sáýir aralyǵynda Shy­ǵys Qazaqstanǵa Premer-Mı­nıstrdiń birinshi orynbasary О́mir­zaq Shókeev bastaǵan top keldi. Bıylǵy qys oblys úshin asa qaharly boldy. Jıi soq­qan borandar, -53 gradýsqa deıin­gi aıaz­dar, jyldaǵydan bir­ne­she ese kóp jaýǵan qar, osy­nyń barlyǵy óziniń jaǵymsyz áserin tıgizbeı qoıǵan joq. Endi osy mol qar sýǵa aınalyp, qaýip tóndirip tur. Naqtylanǵan málimetter bo­ıynsha búgingi kúnge deıin oblys aýma­ǵynda 7406 adam qaýipsiz jer­lerge kóshirildi. Olardyń 6007-si óz úılerine qaıta oraldy. Sýdan zardap shekken aýmaqtarǵa 356 teh­nı­ka jáne 247 adam ju­myl­dyryldy. О́ńirde 1157 turǵyn úıdi sý aldy. Olardyń 536-sy budan bylaı paıdalanýǵa jaramaıtyn baspana. Aldyn ala esep boıynsha oblysta 16679 qoı-eshki, 2475 bas iri qara mal, 556 bas jylqy tasqyn qurbanyna aınaldy. Topty bastap kelgen О́.Shókeev pen óńir basshysy B. Saparbaev tikushaqpen sársenbi kúni Zaısan qalasyna keldi. Bıyl munda qar jyldaǵydan birneshe ese kóp jaýdy. Qardyń tez erýi kezinde olardyń kesirinen qosymsha problemalar týyndaýda. Osyny eskere otyryp, О́mirzaq Shókeev Qaratal, Sarterek, Aınabulaq, Keńsaı, Qarabulaq aýyldarynyń sý basý qaýpi bar ýchaskelerin, Úıdene sý bógetin jáne Kendirlik sý qoımasyn aralap shyqty. Sondaı-aq, ol sýdan zardap shekken Tasbastaý aýylynda boldy. Munda nópir sýdan 100 úı ylǵaldandy, olardyń 34-i jóndeýge kelmeıdi. Kóshirilgen 184 turǵyn mektep ǵımaratyna jáne týǵan-týys­ta­rynyń úılerine ornalastyryldy. Atal­mysh óńirge azyq-túlik jáne qajetti zattar túrinde 9 tonna gýmanıtarlyq kómek jiberildi. Zardap shekken turǵyndardy ta­maq­tandyrý, medısınalyq kómek jáne zattaı qamtamasyz etý uıym­das­ty­ryldy. Oblysta eń kóp zardap shekken Tarbaǵataı aýdany. О́. Shókeev mundaǵy Kókjyra, Jantikeı aýyldaryn aralap, Aqsýat aýylyna kóshirilgen halyqpen kezdesti. Turǵyndar alańdaýly, kóńil kúıleri pás, olar jaramsyz bolyp qalǵan úılerin kórsetip, ólgen mal­ǵa ótem bol ma degen saýal tastady. –Aýyl ákimderi, mal dári­gerleri ólgen ár malǵa qujat toltyryp, akti jasaýy tıis. Sebebi, ólgen mal sany dáleldenýi kerek. Sonda ǵana ótemaqyny alasyzdar. Al jaramsyz bolǵan úılerge qarjy bólinedi,– dedi О́.Shókeev. Eske sala ketý kerek, 17 naýryzda kún kúrt jylynyp jyly jeldiń soǵýy kesirinen aýdandaǵy qar tez erip, tótenshe jaǵdaı qa­lyp­tasty. 19 myńnan astam adamǵa qaýip tóndi. Der kezinde sý basýdyń aldyn alý jáne saldaryn joıý jónindegi aýdandyq shtab quryldy. Qutqarý jumystaryna 510 adam, 55 tehnıka jumyldyryldy. Qyzyl-Kesik aýylynda 4 turǵyn úıdi sý shaıdy, elektr stansasy isten shyqty, respýblıkalyq trassadaǵy kópir buzylyp, Aıagóz aýdanymen qatynas úzildi. Osyndaı jaǵdaı Jantikeı aýylynda da oryn aldy. Munda 204 úı sý astynda qaldy. 194 úıdi jóndeý múmkin emes. Sonymen qatar, qystaqtar, orta mektep, mádenıet úıi, aýyldyq dárigerlik ambýlatorııa zardap shekti. Adamdardy qutqarýǵa 130 qyzmetker, 24 tehnıka tartyldy. Kókjyra aýylynda sý basqan 213 úıdiń 210-y adam turýǵa jaramsyz. 19 naýryzda Jantikeı aýylyn sý basa bastady. 204 úıdi, 3 ákimshilik ǵımaratty, 2 dúkendi, 12 qystaqty sý aldy. Bir táýliktiń ishinde aýyldyń barlyq tur­ǵyndary kóshirilip, Aqsýat aýy­lyndaǵy balabaqsha men mektepke, Qarǵyba aýylyndaǵy mektepke ornalastyryldy. Kók­tóbek aýy­lynda da 17 úıdi sý alyp, olar qırady. 478 adam ózge oryndarǵa kóshirildi. О́mirzaq Shókeev pen Berdibek Saparbaev bastaǵan top zardap shekkenderge kómek kórsetý úshin Qostanaı, Qaraǵandy, Pavlodar oblystarynan, О́skemen qalasy jáne Kókpekti aýdanynan kelgen 155 qutqarýshy, 47 tehnıkamen tanysyp, bul iske rızashylyǵyn bildirdi. Alaıda búgingi kúni 26 myńnan astam halqy bar 36 eldi mekenge áli qaýip tónip tur. Osyndaı aýyldardyń barlyǵynda jergilikti turǵyndar jumyl­dy­ry­lyp, sý basýdyń aldyn alý sharalary atqarylýda, arnalar, shlıýzder tazalanýda. Ázirge Kókjyra, Jantikeı aýyldaryndaǵy sý áli tıylar emes. Jalpy aýdan boıynsha 634 turǵyn úıdi sý aldy. Olardyń 416-syn qalpyna keltirý múmkin emes. Respýblıkalyq bıýdjetten Oıshilik aýylyndaǵy “Jańa toǵan” arnasyn tazalaý men jóndeýge, “Tebiske”, “Qarǵyba”, “Bazar” ózenderiniń ja­ǵalaryn bekitýge 19 mln. teńgeden astam qarjy bólindi. Sol kúni О́. Shókeev bastaǵan top Úrjar aýdanynda boldy. Atalmysh óńir negizinen jazyq bolǵanymen mundaǵy sý qaýpi de az emes. Aıtalyq, byltyr birneshe eldi mekendi sý alǵan. Al bıylǵy jylǵy qar kólemi birneshe ese kóp. Eń qaýiptisi qardyń negizgi bóligi áli erimegen de. Aýdan ákimi Baýyrjan Janaqov top múshelerin aýdandaǵy jaǵdaımen tanystyrdy. Aýdan turǵyndary sý tasqynynyń aldyn alýǵa erte bastan ázirlenipti. Beısenbi kúni atalǵan top Zyrıan aýdanynda boldy. Munda da bıyl qardyń qalyńdyǵy 4-5 metrge jetken. Birneshe aýyldardy sý shaıý qaýpi bar. Ásirese, Buqtyrma ózeni arnasynan asyp, jaqyn mańdaǵy aýyldardy shaıyp kete me degen qaýip kúsheıe túsken. О́. Shókeev pen óńir basshysy B. Saparbaev aýdan basshylaryna qadaý-qadaý tapsyrmalar berdi. Sol kúni tústen keıin О́.Shókeev tótenshe jaǵdaılar jó­nindegi oblystyq shtabtyń otyrysyna qatysyp, qory­tyn­dy­lardy shyǵardy. Ol jaǵdaıdyń onsha jaqsy emes ekenin kózben kór­genin, biraq syn sátte tur­ǵyndardyń iskerlik pen úıle­sim­dilik tabýynyń kóp máselelerdiń oń sheshim tabatynyna senim bil­dirdi. Sondaı-aq, ol memlekettik materıaldyq rezervten 300 mln. teńgeden astam somanyń taýarly-materıaldyq qundylyqtary bólingenin aıtty. Shtab otyry­synda basqa da mańyzdy máseleler sóz boldy. Máselen, úısiz qalǵan­dardy ýaqytsha baspanamen qam­tamasyz etý, dárigerlik qyzmet kórsetý, shákirtterdiń bilimin odan ári jalǵastyrý sııaqty jáıtter nazardan tys qalǵan joq. Ońdasyn ELÝBAı, Shyǵys Qazaqstan oblysy,  Zaısan, Tarbaǵataı, Úrjar aýdandary.