Ortalyqtyń tóraǵasy Gúlmıra Jangerevanyń aıtýynsha, mamandarǵa onlaın rejımde usynylatyn test júıesi dárigerlerdiń koronavırýs týraly, onyń alǵashqy belgileri jóninde qanshalyqty habardar ekenin anyqtaýǵa kómektesedi. «Indet juqtyrǵandarmen betpe-bet keletin aldymen – dárigerler. Vırýs kezinde olardyń ózderi de saqtyq sharalaryn qatań saqtap, aýrýdyń alǵashqy belgileri baıqalysymen, medısınalyq kómekke júginýi tıis. Sondyqtan qhalattylar syrqat janǵa durys dıagnoz qoıa alýymen birge, ózderi de vırýs týraly jetkilikti bilýi kerek. Onlaın testtiń maqsaty da sol – mamandardyń vırýspen kúreske daıyndyq deńgeıin tekserip, kemshin tustaryn tolyqtyrý» deıdi ortalyq basshysy. Sondaı-aq, bul testileý júıesi dárigerlerdiń tıisti standarttar men klınıkalyq hattamalar jáne Dúnıejúzilik densaýlyq saqtaý uıymy usynǵan ádistemelik usynymdar týraly bilimin jetildirýdi kózdeıdi. Testileý qorytyndysy boıynsha analıtıkalyq esep jasalyp, biliktilik salasynda anyqtalǵan kemshilikter bolsa, túzeýge usynymdar ázirlenbek.
О́zin-ózi baǵalaý testi ulttyq testileý ortalyǵynyń resmı saıtynda "COVID-19 baǵalaý" bóliminde jarııalandy. Onlaın testileýden ótý úshin UTO júıesine tirkelý qajet jáne oǵan kirý logın (úmitkerdiń JSN-i) men parol arqyly júrgiziledi.
Qymbat TOQTAMURAT
