Álemdi jaılaǵan indetpen kúresý úshin dáriger men ǵalymdar qolda bar múmkindiktiń bárin qarastyryp jatqany belgili. Solardyń biri – BSJ vaksınasy. Zertteýshiler osy ekpe túri keń kólemde salynǵan elderde Covid-19 vırýsynan qaza tapqandar sany áldeqaıda az ekenin baıqaǵan.
Osyǵan baılanysty, birqatar memlekette atalǵan vaksınany koronavırýstyń aldyn alý maqsatynda qoldanyp kórmek. Science jýrnalynyń habarlaýynsha, osy aptada erikti dárigerler BSJ ekpesin saldyryp, tájirıbe jasap kórmek.
Bloomberg agenttiginiń derekterine súıensek, Aýstralııanyń Melbýrn qalasynda da týberkýlezge qarsy osy ekpeni Covid-19-ǵa qanshalyqty tótep beretinin teksermek.
Aıta ketý kerek, BSJ – «Kalmet-Geren Basıllasy» dep atalatyn, týberkýlezge qarsy bul vaksınanyń qoldanysqa engenine bir ǵasyrdan asyp ketti. Qazirgi tańda álemniń kóptegen elinde ekpeniń bul túrin saldyrý mindetti. Áıtse de, Eýropanyń birqatar memleketinde BSJ jappaı salynbaıdy. Olardyń qatarynda Ispanııa, Italııa jáne Shveısarııa bar.
