L.Messıdiń aıtýynsha, jalaqy mólsheri 70 paıyzǵa azaıǵan. Buǵan qosa, oıynshylar klýbtyń basqa qyzmetkerleri eńbek aqysyn tolyq mólsherde alýy úshin qosymsha qarjy bólmek.
«Daǵdarys jaǵdaıyna baılanysty jalaqynyń 70 paıyzǵa azaıǵanynan bólek, fýtbolshylar klýb qyzmetkerleri eńbek aqysyn 100 paıyz alýy úshin qarjy jınaıtynyn aıtatyn ýaqyt keldi.
Buǵan deıin bul týraly habarlaýymyzdyń sebebi – klýbqa kómektesip, naqty sheshim izdep, osy ahýaldan zardap shekkenderge kómek qolyn sozý» delingen blaýgrana kapıtanynyń paraqshasynda.
Messıdiń málimdemesin ile-shala komanda shabýylshylary Lýıs Sýares pen Antýan Grızmann da óz paraqshalarynda bólisti.
Buǵan deıin ıspanııalyq birqatar buqaralyq aqparat quraly «Barselona» klýbynyń oıynshylary jalaqysyn azaıtýǵa kelispegeni týraly habarlaǵan edi. Alaıda L.Messıdiń málimdemesi ondaǵy jańalyqtardyń jalǵan ekenin kórsetip otyr.
Aıta ketý kerek, Ispanııada koronavırýs indetiniń taraýyna baılanysty La Lıga belgisiz merzimge keıinge shegerildi. Osy elde qazirge deıin 85 myńnan astam adam naýqasqa shaldyǵyp, 7340 adam qaza tapty.
