Foto: Aqorda
«Biz jergilikti bıliktiń áleýetin jáne aımaqtardyń qarjylyq derbestigin birtindep kúsheıtip jatyrmyz. Byltyr aýyldyq okrýgterdiń bıýdjeti 442 mıllıard teńgeden asty. Bul qarajattyń úshten biri – eldi mekenderdiń óz tabysy. Onyń ústine, elimizdegi aýyldyq okrýgterdiń ortasha bıýdjeti 190 mıllıon teńgege jetti. Bul – edáýir jaqsy kórsetkish. Bıyldan bastap aýyldyq okrýgter qosymsha tabys kózine ıe bolmaq. Atap aıtqanda, keń taralǵan paıdaly qazbalar óndirisine, jerasty sýlary men emdik balshyqtardy paıdalanýǵa salynatyn salyqty ózderi jınap, qajetine jaratady», dedi Memleket basshysy.
Prezıdent óz sózinde qazir Úkimet zańdy tulǵalarǵa jáne jeke kásipkerlerge salynatyn múlik salyǵynyń bir bóligin tórtinshi deńgeıdegi bıýdjetterge berý máselesin pysyqtap jatqanyn jetkizdi.
«Sondaı-aq aımaqtarǵa jekelegen qyzmet túrimen aınalysýǵa arnalǵan lısenzııalyq alymnan, ekologııalyq aıyppuldardan túsetin qarajat ta berilýi múmkin. Bul – óte durys ustanym. Túsken tabys, eń aldymen, sol aımaqty damytýǵa jumsalýy kerek. Bir sózben aıtqanda, jergilikti jerde qordalanǵan máselelerdi sheshý úshin múmkindik te, resýrs ta arta túspek», dedi Qasym-Jomart Toqaev.
Toqaev: О́kildi organdardy kúsheıtý memlekettik saıasattyń negizgi basymdyǵy bolyp qala beredi
