Prezıdenttiń aıtýynsha azamattar referendýmda Konstıtýsııa jobasyn qoldap jatsa, elimizdiń saıası qurylymy túbegeıli ózgeredi.
«Biz múldem jańa konstıtýsııalyq úlgige nemese modelge kóshemiz. Bul qadam proporsıonaldyq jáne majorıtarlyq júıe arasyndaǵy tepe-teńdikti qamtamasyz etedi.
Toqaev: О́kildi organdardy kúsheıtý memlekettik saıasattyń negizgi basymdyǵy bolyp qala beredi
Buǵan qosa, saılaý úderisin barynsha júıelep, saılaýǵa túsetin azamattardyń jaýapkershiligin arttyra túsedi. Osylaısha, máslıhattar Quryltaıǵa qajetti bilikti mamandar daıarlaýǵa belsendi túrde atsalysady.
Aýqymdy reformalardy sapaly júzege asyrý úshin meılinshe tıimdi ári kásibı zań shyǵarý qyzmetin jolǵa qoıýymyz kerek. Al elimizdegi ókildi bılik júıesiniń negizi aımaqtarda qalyptasady. Sondyqtan máslıhattardyń qyzmeti aıryqsha mańyzdy ekenin únemi este ustaǵan jón. Sebebi jurt óz máselesin eń aldymen depýtattarǵa aıtady. Al halyqtyń senimin aqtaýdan artyq abyroı joq», dedi Prezıdent.
Memleket basshysy: Bıyldan bastap aýyldyq okrýgter qosymsha tabys kózine ıe bolmaq
Memleket basshysynyń paıymdaýynsha túptep kelgende, depýtat bolý – el adamy bolý degen sóz. Bul – mártebesi bıik, jaýapkershiligi zor qyzmet.
«Depýtat halyqtyń senimine syzat túsiretin áreketten aýlaq bolýy qajet. О́ıtkeni mundaı áreket búkil memlekettik apparattyń, tutas bılik júıesiniń bedeline nuqsan keltiredi. Sizder osy jaýapkershilikti durys túsinip, tereń sezinip, qyzmetterińizdi adal atqara beresizder dep kámil senemin», dedi Memleket basshysy.
