«Zeket» qorynyń demeýimen uıymdastyrylǵan qaıyrymdylyq shara barysynda Elordanyń 500 otbasyna azyq-túlik taratylady. Nur-Sultan qalasynda qurylǵan arnaıy shtab Kókshetaýdan jóneltilgen amanatty qabyldap alyp, volonterlar muqtaj otbasylarǵa jetkizetin bolady.
–Osy aksııaǵa tek Aqmola oblysy ǵana emes, bizdiń kórshiles Soltústik Qazaqstan, Qostanaı oblysy, Aqtóbe, Atyraý, Oral jáne de Mańǵystaý oblystarynyń úles qosýymen jasalyp jatqan is-shara,–deıdi Naýan haziret meshitiniń bas ımamy Qýanysh Sábıt.
«Jaqsylyq jasasań kóbeıedi» degen bar. Qoraptarda un, qant, suıyq maı, tuz, shaı sııaqty eń qajetti azyq-túlikter bar. Saýapty iske meshit janynan qurylǵan «Ańsar» eriktiler ortalyǵynyń músheleri de at salysty.
–Tótenshe jaǵdaıǵa baılanysty «Jyly júrek» atty kerýende tańerteńnen keshke deıin halyqqa qyzmet kórsetý úshin, jaǵdaıy tómen otbasylardy demeý úshin jumys istep jatyrmyz. Kesheden bastap túnimen osy qoraptardy ázirledik,–deıdi «Ańsar» volonterlar ortalyǵynyń múshesi Dáýlet Túráli.
Aıta keteıik, «Jyly júrek» kerýeniniń qaıyrymdylyq sharasy barysynda óńirdiń turmysy tómen otbasylaryna da kómek kórsetildi.
