QR-da jalǵan aqparat taratqany úshin qylmystyq jaýapkershilik qarastyrylǵan. Qylmystyq Kodekstiń 274-babynda: «jalǵan aqparat taratý» — bul qoǵamdyq tártipti buzýǵa nemese azamattardyń nemese uıymdardyń quqyqtary men zańdy múddelerine nemese qoǵamnyń nemese memlekettiń zańmen qorǵalatyn múddelerine eleýli zııan keltiretin kórineý jalǵan aqparat taratý. 274-bap boıynsha 1 myń AEK deıingi mólsherde aıyppul nemese túzetý jumystary, 400 saǵatqa deıin qoǵamdyq jumystarǵa tartý, bir jylǵa deıingi merzimge bas bostandyǵyn shekteý nemese aıyrý syndy jaza túrleri kózdelgen. Tótenshe jaǵdaı rejıminde-3 jyldan 7 jylǵa deıingi merzimge bas bostandyǵyn shekteý nemese aıyrý.
Osy bap boıynsha ınternet resýrstary men áleýmettik jelilerde taratylǵan, shyndyqqa sáıkes kelmeıtin aqparattyń avtorlary men taratýshylary jaýapty bolady.
Mańǵystaý polıseıleri azamattardy qyraǵy bolýǵa shaqyrady jáne Qazaqstanda tótenshe jaǵdaı engizilgennen keıin jáne koronavırýs indetimen aferısterdiń áreketteri áralýandyǵyna bolýyna baılanysty eskertý jasaıdy.
Mańǵystaý oblysynyń Polısııa departamenti turǵyndardy asa muqııat bolýǵa shaqyrady jáne beıtanys adamdarǵa ózderiniń jeke málimetteri men esep nómirlerin habarlaýǵa bolmaıdy dep eskertedi. Quqyq qorǵaý organdarynyń qyzmetkerleri sondaı-aq áleýmettik jelilerde taýarlardy satyp alý-satý týraly sharttar jasasýdy, aqsha qarajatyn kúmándi elektrondyq nemese banktik shottarǵa aýdarýdy, taýardy ekspress-tólem termınaldary arqyly tóleýdi, jeke sıpattaǵy aqparatty ashyq túrde ornalastyrýdy usynbaıdy.
Mańǵystaý oblysy
