4 shaǵynaýdandaǵy «Jartasty soqpaq» jaıaý júrginshiler jolyndaǵy, sondaı-aq 15 shaǵynaýdan teńiz jaǵalaýyndaǵy jaryq óshirildi. Buǵan deıin jaǵalaýdaǵy oryndyqtar alynǵan bolatyn. Atalǵan sharalar turǵyndardyń qaýipsizdigi úshin oryndalyp jatyrǵandyǵy aıtylady.
Sondaı-aq Mańǵystaý oblysynyń Qaraqııa aýdanynda koronavırýs ınfeksııasy taralýynyń aldyn alý jáne aýdan turǵyndarynyń ómiri men densaýlyǵyn qorǵaý maqsatynda Quryq, Jetibaı jáne Munaıshy aýyldaryna kireberis jol boıyna sanıtarlyq posttary qoıyldy.
Posttarda polısııa bóliminiń jáne ákimdiktiń qyzmetkerleri aýyldarǵa kiretin barlyq avtokólikterdi toqtatyp, syrttan kele jatqan jolaýshylardy esepke alyp, túsindirme jumystaryn júrgizýde.
Mańǵystaý oblysy
