Búginge deıin Almatyda koronavırýstyq ınfeksııasyn juqtyrǵan 82 oqıǵa tirkelse, onyń ishinde 7 adam stasıonarda emdelip, úıine shyqty, qazirgi kúni bul adamdar úılerinde 14 kúndik karantınde jatyr. Indetinen arylǵandar ishinde tórt er adam, eki áıel jáne bir bala bar.
Búgingi kúni Qalalyq juqpaly aýrýlar aýrýhanalarynda barlyǵy 76 pasıent koronavırýstan emdelip jatyr, onyń ishinde 2-i bala bar.
Emdeýge jatqyzylǵandardyń biri Almaty oblysynyń turǵyny. 1971 jyly týylǵan, JRVI belgileri paıda bolyp, jaǵdaıy nasharlaǵan áıel Almatydaǵy kópbeıindi klınıkalyq aýrýhanasyna júgingen. Pasıenttiń analızderi eki jaqty, tómengi dárejeli pnevmonııa bar ekenin kórsetkennen keıin, COVID 2019-ǵa taldaýlar alyndy. Nátıjesi rastaldy. 30-y kúni Qalalyq juqpaly aýrýlar aýrýhanasyna emdeýge jatqyzyldy.
Búgingi kúni 66 naýqastyń jaı-kúıi – qanaǵattanarlyq. 1 eresek naýqastyń jaǵdaıy aýyr. 9 eresek adamnyń densaýlyǵy ortasha (1 oblystyq).
Eki jasar balanyń densaýlyǵy durystalyp keledi. Búgin sońǵy taldaýlary teris nátıje berse, ol da aýrýhanadan shyǵady.
Jańadan anyqtalǵan 9 adamnyń barlyǵy da shetelden oralǵandar. Keshe, 30 naýryzda Ystambul–Almaty reısimen bes adam ushyp keldi. Altynshy pasıent 29 naýryzda Mınsk–Almaty reısimen jáne osy aıdyń ár kúnderi Dýbaıdan úsh indet juqtyrǵan adam ushyp kelgen.
Búgingi kúni provızorlyq ortalyqtarda 697 adam karantınde jatyr, onyń ishinde – 84 bala, eki kúndik karantınde 1029 azamat jáne 3156 adam úı karantıninde jatyr.
ALMATY
