Agenttiktiń aımaqtyq departamentteri Qylmystyq is júrgizý kodeksiniń 200-baby negizinde qylmystyq jáne basqa da quqyq buzýshylyqtar jasaýǵa yqpal etken jaǵdaılardy retteý jónindegi usynystardy onlaın rejımde qaraý tájirıbesin qolǵa aldy. Bul úshin jınalystyń ótkiziletin ýaqyty men baılanystyrýshy áleýmettik jeliniń ataýy kórsetilip, aldyn ala habarlanady.
Onlaın formattaǵy jıyn eńbek ujymdarynyń qatysýymen Batys Qazaqstan jáne Jambyl oblystarynda ótti.
Batys Qazaqstan oblysynyń Sybaılas jemqorlyqqa qarsy qyzmeti BQO jolaýshylar kóligi jáne avtomobıl joldary basqarmasynyń bas mamanyna qatysty qylmystyq istiń mán-jaıyn qarady.
Ol 2019 jyly qazan aıynda Qaztalov jáne Jańaqala aýdandarynda oblystyq mańyzy bar joldardy aǵymdyq jóndeý jáne ustaý boıynsha oryndalǵan jumystardyń aktilerine qol qoıý úshin JShS ókilinen jalpy somasy 220 000 teńge para alýda kúdikti boldy. Kúdikti azamat Oral qalalyq sotynyń kináli dep tanylyp, ómir boıy memlekettik qyzmetten alastatyldy, 8,8 mln teńge kóleminde aıyppul salyndy.
Sonymen qatar Jambyl oblysynda eki turǵynǵa áleýmettik kómek alýǵa kómektesý úshin 199 myń teńgege jýyq para alǵan Jumyspen qamtý bóliminiń bas mamanyna qatysty másele qaraldy.
Qazir bul qyzmetker jumystan shyǵarylyp, oǵan 1 mln 400 myń teńge kóleminde aıyppul salyndy. Sondaı-aq ol memlekettik qyzmetten jumys isteý quqyǵynan birjola aıyryldy.
Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti qyzmetkeriniń isin jasyryp, oǵan jalǵan qujat jasaýǵa jol bergen Jumyspen qamtý jáne áleýmettik qorǵaý bólimindegi basshylardy da jaýapkershilikke tartý týraly usynys engizdi.
