Unnyń jáne nannyń baǵasyn turaqtandyrý maqsatynda «Kaspıı» áleýmettik-kásipkerlik korporasııasy arqyly «Saýqymbek» JShS-gi jáne «Musa Nan» JShS-ne aınalymdy tolyqtyrý úshin jergilikti bıýdjetten 270.0 mln teńge qarjat berildi. Qazirgi ýaqytta bıdaıdyń qory 550 tonna bolsa, unnyń qory 355 tonna. О́ńirge bıdaı 1 kg. 96 teńgeden jetkizilip, turaqtandyrý qoryn qalyptastyrý maqsatynda un óńirdegi nan óndirýshi kásipkerlerge 1 kg. 126 teńgeden jiberilip otyr.
Sonymen qatar, oblystyq azyq-túlik taýarlarynyń óńirlik turaqtandyrý qoryn basqarý jónindegi komıssııasymen áleýmettik mańyzy bar azyq-túlik taýarlaryna baǵalardy turaqtandyrý tetikterin iske asyrý maqsatynda qaryz berýge 11 kásipkerlik sýbektileri anyqtalyp, aınalymdy tolyqtyrý maqsatynda 204.7 mln teńge qarajaty berildi. Áleýmettik mańyzy bar azyq-túlik taýarlaryn (kartop, sábiz, jýa, qyryqqabat, ósimdik maıy, qant, sary maı, un, sút 2,5%, makaron ónimderi, taýyq eti, kúrish, jumyrtqa,) satyp alý jumystary «Kaspıı» áleýmettik-kásipkerlik korporasııasy júrgizýde.
Búgingi tańda oblysta azyq-túlik taýarlarynyń óńirlik turaqtandyrý qorynda 175.3 mln teńge qarajaty bar. Atalǵan qarajat «Kaspıı» ÁKK» AQ-nyń esep shotynda. Onymen qosa, áleýmettik mańyzy bar azyq-túlik taýarlarynyń 10 túri boıynsha azyq-túlik taýarlarynyń qoryn jasaqtaýǵa jergilikti bıýdjetten 683.0 mln teńge qarajat bólinetin boldy.
QR Ulttyq ekonomıka mınıstrligi Statıstıka komıtetiniń derekteri boıynsha áleýmettik mańyzy bar azyq-túlik taýarlaryna tutyný baǵa ındeksi jyl basynan beri Mańǵystaý oblysynda – 101,6% qurady. Qalalar men aýdandar ákimdikteri azyq-túlik taýarlarynyń baǵalaryna jáne qorlaryna kúndelikti monıtorıng júrgizip otyr. Azyq-túlik taýarlarynyń qory kúndelikti tolyqtyrylyp otyr jáne jetkizilýimen eshqandaı kedergiler joq.
О́ńirde azyq-túlik taýarlarynyń bir aılyq qory bar, al unnyń qory 4 aıǵa jetedi. Mysaly: kartofeldiń 2,5 myń tonnasy, sábizdiń 800 tonnasy, jýanyń 1,2 myń tonnasy, kapýstanyń – 700 tonnasy, unnyń – 2,1 myń tonnasy, kúrishtiń 300 tonnasy, qanttyń – 300 tonnasy, makaron ónimderiniń – 120 tonnmo asy, ettiń 1,0 myń tonnasy jáne t.s.s. ónimderiniń jetkilikti qory bar, dedi MO kásipkerlik jáne saýda basqarmasy basshysynyń orynbasary Kóbegen Muqanbetjan.
Azyq-túlik qaýipsizdigi oblys ákimi Serikbaı О́telgenuly Turymovtyń udaıy baqylaýynda.
Sonymen qatar, aımaqty sút, nan, makaron jáne kondıterlik ónimdermen qamtamasyz etip otyrǵan «Bereket F» JShS-niń de 1 aılyq qory bar. Qurylǵanyna 23 jyl bolǵan óndiris oshaǵynda sút, makaron, kondıterlik ónimder óndirilip, nan, toqashtyń birneshe túri pisiriledi. Tótenshe jaǵdaı kezinde suranystyń artýyna oraı, kásiporyn jumysyn keńeıte tústi. Qaımaqtyń 12 túri shyǵaryla bastady.
-Bizdiń ónimderge degen qajettilik 3 esege deıin artsa da, Mańǵystaý halqyn sútpen, makaron jáne nan ónimderimen qamtamasyz etýge, qajetti shıkizatymyz 2 aıǵa deıin jetedi. Biz táýligine 15 tonnaǵa deıin sút ónimderin, 3 tonna makaron jáne 5 tonnaǵa deıin nan men toqash óndiremiz. Bizdiń kúnine 25 tonnaǵa deıin nan pisiretin múmkindigimiz bar. Biraq qazir 10 tonnadaı un ónimderin shyǵaryp jatyrmyz, deıdi kásiporyn basshysy Zareta Fatalıeva.
Kásiporyn qazir aımaqta karantınde jatqan azamattardy úsh mezgil tamaqpen qamtyp otyr.
Mańǵystaý oblysy
