Qalaǵa kirip-shyǵýǵa tyıym salyndy

Osydan keıin-aq qaýipti indettiń taralyp ketýiniń aldyn alý maqsatynda karantın jarııalandy. Oblystyń bas sanıtarlyq dárigeriniń 30 naýryz kúngi №4 qaýlysyna sáıkes keshe saǵat 00:00-den bastap qala aýmaǵyna kóliktiń barlyq túrleriniń kirýine jáne shyǵýyna tyıym salynyp otyr.

 Qaýlyǵa sáıkes dinı úılerdiń, balabaqshalardyń, bazarlardyń, saýda úıleriniń, jeke turǵan azyq-túlik emes dúkenderdiń basqa da halyq kóp shoǵyrlanatyn nysandardyń jumysy ýaqytsha toqtatyldy.

 Azyq-túlik taýarlaryn, dárilik zattardy, medı­sı­nalyq buıymdardy, son­daı-aq halyqtyń tynys-tir­shi­ligin qamtamasyz etýge arnalǵan zattardy tasymaldaı­tyn jáne ónerkásiptik, aýyl sharýashylyǵy kásip­oryn­darynyń qyzmetin qamtamasyz etetin avtokólikterge shekteý qoıylmaıdy. Al jolaý­shylar tasymalymen aınalysatyn avto jáne áýe kólikterine 14 táýlikke deıin qala aýmaǵyna kirip-shyǵýǵa tyıym salynady. Sońǵy stansasy Qyzylorda qalasy bolyp tabylatyn poıyzdardan basqa baǵyt jolaýshylary qalaǵa kirip-shyǵa almaıdy. Oblys ortalyǵyna keletin tranzıttik jolaýshylar Tereńózek já­ne Shıeli stansalarynan túsip, jol boıyndaǵy blok-be­ketterge kýálandyrýshy qu­jat­tardy usyna otyryp qala­ǵa jete alady.

 Azyq-túlik satýmen aınalysatyn saýda oryndarynyń, dárihanalardyń jáne birinshi kezekte qajetti taýarlar satatyn oryndar kúsheıtilgen sanıtarlyq-dezınfeksııalyq rejimde jumys isteıdi. «Klıentterge deıin jetkizý» qaǵıdaty boıynsha jumys isteýge kóshetin meıramhanalar men dámhanalar, qoǵamdyq tamaqtaný oryndarynyń sanıtarlyq talapty qatań saqtaýy tapsyryldy.

Jaǵdaıǵa baılanysty oblys ákimi Gúlshara Ábdi­qa­lyqova turǵyndarǵa úndeý jarııalap, artynsha jedel shtab otyrysyn ótkizdi. Oty­rysta tıisti oryndarǵa medı­sınalyq betperde, ózge de qural-jabdyq, antıseptıkterge qajetti qarjy kólemin naqtylap, esebin oblystyq ekonomıka jáne bıýdjettik jos­parlaý basqarmasyna usy­ný tapsyryldy. Qashyqtan oqy­tý boıynsha bilim berý uıym­dary men oqýshylardyń daıyn­dyǵyn qamtamasyz etý de pysyqtaldy.

Oblystyq ındýstrııalyq-ınnovasııalyq damý basqar­­masy aımaqtaǵy iri kompa­nııalardyń óz qarajaty ese­binen barlyq jumysshysyn koronavırýsty anyqtaıtyn testen ótkizýine yqpal etýi qajet.

Azyq-túlik qoryn molaıtyp, ony jergilikti jerlerge jetkizý máselesin retteı oty­ryp, áleýmettik mańyzy bar taýar baǵalarynyń sharyq­taýyna jol bermeý asa mańyzdy. Osy maqsatta oblys­tyq aýyl sharýashylyǵy bas­qar­masyna oblystyq turaq­tandyrý qoryn tolyqtyrý júktelip otyr.

Oblys basshysy qala jáne aýdan ákimderine, tıisti oryndar basshylaryna tótenshe jaǵdaı rejimine sáıkes qa­ýyrt jumys kútip turǵanyn eskertip, anyqtalǵan derekter boıynsha jurtshylyqty dereý habardar etýdi tapsyrdy.

Osyndaı qıyn ýaqyttaǵy kúrdeli máseleniń biri jumys oryndaryn saqtap qalý.

– Oblystyq jumyspen qamtýdy úılestirý jáne áleý­mettik baǵdarlamalar bas­qarmasy qala jáne aýdan ákimderimen birlesip, óńir­ler­degi bos jumys oryndary­na kúndelikti monıtorıng júrgizýi tıis. Tótenshe jaǵdaı­dyń engizilýine baılanysty halyqtyń áleýmettik osal top­taryn qoldaý sapaly ári ýaqtyly júrgizilýi kerek, – dedi Gúlshara Naýshaqyzy.

Keshe, ıaǵnı 31 naýryz kúni oblystaǵy Jańaqorǵan aý­­da­nynyń ózinde taǵy 8 tur­ǵynnyń boıynan vırýs belgisi tabyldy. Oblys­tyq densaýlyq saqtaý basqar­masynyń basshysy Jaqsy­lyq Ábdisámetov olardyń aýdan­dyq aýrýhanaǵa jatqy­zyl­ǵanyn málimdedi.

QYZYLORDA