«Salystyrý úshin «Sergek» júıesiniń karantınge deıingi jáne TJ jarııalanyp, karantın engizilgennen keıingi qalypty kúnderindegi qalalyq trafıktiń derekteri paıdalanyldy. Karantınnen buryn kez kelgen jumys kúni bul kórsetkish - «0,5» ballǵa teń bolǵan, al túnde, qala tym -tyrys kezinde- 4.6 ballǵa jetetin. Karantın kezinde qalalyq qyzmetterdiń, polısııanyń, jedel járdemniń, tamaq jetkizý jáne t.b. qyzmetterdiń kólik qozǵalysyn esepke alsaq, eń joǵary bal «4,5»- ǵa teńesýi múmkin», - dep jazdy M. Bekturova.
Ákimniń orynbasyry keshendi sharalar men qala turǵyndarynyń sana-seziminiń arqasynda qalalyq belsendilikti tómendetýge jáne azamattardyń ózin-ózi qorǵaýyn arttyrýǵa qol jetkizilýde ekenin jazdy. Ol osy jumysty ári qaraı jalǵastyryp, kúsh biriktirý arqyly vırýstyń taralýyna tosqaýyl bolýǵa shaqyrdy.
