30 naýryz kúni Aqtaýdan Atyraý men Aqtóbege jolaýshylar ushaǵy ushyp, bir aıǵa deıin ýaqytsha toqtatyldy. Erteń el ishine ushatyn sońǵy «Aqtaý-Kókshetaý-Aqtaý» áýe reısi kókke kóteriledi.
- Úkimettik komıssııanyń qaýlysy boıynsha endi tek júk tasymaldaıtyn ushaqtardy qabyldaı alamyz jáne áskerı ushaqtar ushýy múmkin. Olar memlekettiń tapsyrmasymen ushady, - dedi Aqtaý halyqaralyq áýejaıynyń dırektory Erǵazy Joldasov.
Dırektordyń aıtýynsha, barlyq ushaq jolaýshylaryn arnaıy kıim kıgen epıdemıolog mamandar qarsy alyp, teplovızormen tekserip jatyr. Jolaýshylardyń tizimi alynyp, onyń qaıdan, qashan otyrǵany jazylyp alyndy.
Aıta keteıik, 27 naýryz kúni Aqtaý áýejaıynda barlyq halyqaralyq áýe reısteri toqtatylǵan bolatyn.
Mańǵystaý oblysy
