Qazaqstan • 01 Sáýir, 2020

Qorǵanys mınıstrligi Áskerı medısına mamandaryn kómekke jiberedi

47 ret kórsetildi

Qorǵanys mınıstrliginde Qarýly Kúshterdiń tótenshe keńesi ótti.

Atalmysh keńes selektorlyq rejimde ótti, kún tártibine bólmshelerdiń jaýyngerlik əzirligi, áskerı qyzmetshilerdiń densaýlyq qaýipsizdigin qamtamasyz etý, koronavırýsqa qarsy kúreste azamattyq medısınalyq mekemelerge kómek kórsetýge áskerı medısına qyzmetkerlerin tartý máseleleri aıtyldy.

Qazirgi tańda əskerı qyzmetshilerdiń densaýlyq jaǵdaıy turaqty baqylaýda, áskerı bólimshelerdi epıdemııaǵa qarsy qorǵaýdy qamtamasyz etý úshin medısınalyq jeke qorǵaný quraldarymen, dezınfeksııalyq eritindilermen ýaqytynda qamtamasyz etý uıymdastyrylǵan. Bul rette jeke quram koronavırýs belgilerin, sondaı-aq naýqas anyqtalǵan jaǵdaıdaǵy is-qımyldardy naqty bilýi tıis. Ol úshin barlyq áskerı qyzmetshilerge nusqaýlyqtar taratyldy, kezekshi aýysym jeke quramynyń is-qımyl algorıtmi jáne habarlaý tártibi egjeı-tegjeıli túsindirildi.

Keńes barysynda Qorǵanys mınıstri Nurlan Ermekbaevtyń áskerlerdiń jaýyngerlik ázirliginiń qajetti deńgeıin ustap turýǵa, tótenshe jaǵdaı rejımi sheńberinde kenetten týyndaǵan mindetterdi oryndaýǵa áskerı qyzmetshilerdiń udaıy ázirligine erekshe nazar aýdaryldy. Áskerı qyzmetshilerdiń jaýyngerlik daıyndyǵyna nuqsan keltirmesten juqtyrý qaýpin azaıtý úshin turaqty jaýyngerlik daıyndyq áskerı bólimderinde jabyq rejımde qyzmet atqarý máselesi sheshilýde. Áskerı nysandardyń qaýipsizdigin qamtamasyz etý maqsatynda zymyran-artıllerııalyq qarý-jaraq qoımalaryn kúzetýdi kúsheıtý tapsyryldy.

Azamattyq medısınalyq mekemelerge kómekke áskerı medısına qyzmetkerlerin tartýǵa qatysty Qaraǵandy oblysynyń Densaýlyq saqtaý basqarmasynyń ótinishi boıynsha Qaraǵandy qalasynyń áskerı lazaretiniń 17 medısınalyq mamanyn bólý sheshildi. Almaty oblysy Alakól aýdany ákiminiń suraýy boıynsha Úsharal qalasynyń áskerı lazaretin aýdandyq Densaýlyq saqtaý basqarmasyna kómekke berý josparlanýda. Sonymen qatar, Densaýlyq saqtaý mınıstrligimen birlesip qysqa merzimdi kezeńde jalpy təjirıbedegi juqpaly aýrý men reanımatolog dárigerlerine qaıta daıarlaý júzege asyrylatyn bolady.

Búgingi tańda Qarýly Kúshterdiń áskerı qyzmetshileri tótenshe jaǵdaı rej3min qamtamasyz etý boıynsha is-sharalarǵa belsendi qatysady. Olar nysandardy dezınfeksııalaýǵa, blok-beketterdi kúsheıtýge jáne patrýldeýge jumyldyrylǵan. Osyǵan baılanysty jaqyn arada Qorǵanys mınıstrligi osy maqsattar úshin Almatyda qosymsha 1000-ǵa jýyq áskerı qyzmetshi bólinetin bolady.

 

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar