О́zderińiz de aldaryńyzdaǵy kógildir ekrannan kórip otyrǵan bolarsyzdar, qazir ǵana Ýkraınanyń astanasy – Kıev qalasyndaǵy Ortalyq stadıonda jergilikti «Dınamo» men Aqtóbeniń «Aqtóbe» komandalary arasyndaǵy Eýropa lıgasy tórtinshi pleı-off raýndynyń ekinshi matchy bastaldy.
Oıyn bastalysymen alań ıeleri alǵa umtyldy. Olar salǵannan bizdiń qaqpany qorshaýǵa aldy. Andreı Sıdelnıkov eki ret qaqpany qutqaryp qaldy. Mine, 10-mınýt. Osy kezde kıevtikter biirnshi goldy salyp úlgerdi. Iаrmolenko oń qaptaldan qaqpanyń alys buryshyna dop tastady. Sol jerde turǵan Lens qasyndaǵy Aldan Baltaevtan buryn qımyldap, dopty qaqpaǵa súńgitti. Endi aqtóbelikterge kelesi kezeńge ótý úshin 3 dop soǵýǵa týra keledi.
Endi «Dınamo» men «Aqtóbeniń» startyq quramdarymen anystyryp óteıik.
«Dınamo»: Koval, Dragovıch, Velozý, Hacherıdı, Tremýlınas, Výkoevıch, Bezýs, Gýsev, Iаrmolenko, Lens, Mbokanı.
«Aqtóbe»: Sıdelnıkov, Mýldarov, Badlo, Praımýs, Arzýmanıan, Baltaev, Haırýllın, Taǵybergen, Kapadze, Geınrıh, Davydov.
Kıevtikter oıyn tizginin qoldaryn shyǵarmaýda. Mine, Iаrmolenko taǵy bir dop soǵýdyń múmkindigin jiberip aldy. Osy jigittiń Aqtóbedegi birinshi goldy soǵyp ketkenin jankúıerler umytpaǵan shyǵar.
19-mınýt. Aleksandr Geınrıh aldyndaǵy Sergeı Davydovqa dop jetkizdi. Tamasha pas. Aıyp alańynda dopty qabyldap alǵan Sergeı soqqy jasady. Biraq óte álsiz shyqty.
21-mınýt. Lens sol qaptaldan alǵa umtyldy. Bir táýiri, ony bizdiń jigitter odan aryǵa jetkizbedi. Artynsha Výkoevıch alań ortasynda tártip buzyp qoıdy.
30-mınýt. Iаrmolenkonyń pasyn Bezýs jaqsy paıdalanyp ketti. Gol! Esep – 2:0.
36-mınýt.
Dınamoshylar úshinshi goldy da soǵyp úlgerdi. Ony toǵyzdyqqa Mbokanı túsirdi. Esep – 3:0.
Osydan keıin aqtóbelikter shabýylǵa shyqty. Aleksandr Geınrıh aıyp alańyna jetken kezinde ony Výkoevıch shalyp qulatty. Penaltı! Ony Sashanyń ózi urdy. Esep – 3:1.
Qazir bes mınýttan beri «Dınamo» bizdiń qaqpa mańynan shyqpaı júr. Olar birese oń, birese sol qaptaldan oraǵytyp, qaqpaǵa urar sátti ańdydy. Biraq odan eshteńe shyqpady. Sonyń sońynda dop bizdiń jigitterge kóshti. Alaıda, báribir olar qarsy qaqpaǵa deıin jete almady.
Birinshi taım aıaqtaldy.
Ekinshi taımdy kıevtikter eki oıynshyny almastyrýmen bastady. Atap aıtqanda, Dýdý men Ideıe tıisinshe Iаromolenko men Mbokanıdiń oryndaryna shyqty. Kezdesý barynsha salqynqandy bolyp órbigenmen, alań ıeleri birtindep tizgindi ala tústi. Olar 49-mınýtta shabýylǵa shyqty. Alańnyń ortasymen Velozý alǵa umtyldy. Biraq portýgalııalyq fýtbolshy tym aryǵa bara almady. Sosyn eki mınýttan keıin Tremýlınasty artta qaldyrǵan Braýn Ideıe qaqpa alańyna kirip, basymen urdy. Dop qaqpa janynan ketti. Osydan keıin bizdiń Alekseı Mýldarov aıyp alańyna kirgen Ideıeniń aldyna qulap, ony da ala ketti. Penaltı! Ony afrıkalyq jigittiń ózi urdy Gol! Esep – 4:1.
Oıynda dop soqqandar mynalar:
73-mınýt. Qazir ǵana esep 5:1-ge jetti. Bizden aldymıen Tımýr Kapadzeniń ornyna alańǵa Sergeı Grıdın shyqty. Sol Sergeı shyqqan boıda oıynǵa aralaspaq bolyp, oń qaptaldan berilgen pasqa umtyldy. Biraq ony qarsylasy orap ketti. Sol boıy alǵa júgirgen kıevtik Oleg Gýsev qaqpaǵa jaqyndaı bere alystan urdy. Zýyldap ushqan dop qaqpadan bir-aq tabyldy.
Budan keıin de eki jaq qaqpaǵa gol soǵyltyndaı birneshe múmkindik boldy. Alaıda, olardyń birde-biri golǵa aınalǵan joq. Osymen match bitti. «Dınamo» kelesi toptyq kezeńge ótti.
Goldar: Lens, 9 (1:0), Bezýs, 30 (2:0), Mbokanı, 35 (3:0), Geınrıh, 38 - penaltı (3:1), Ideıe, 52 - penaltı (4:1). Gýsev, 73 (5:1).
Degenmen, «Aqtóbeniń» de joly osymen bitpeýi múmkin. Ol erteń Erýropa lıgasynda ótkiziletin jerebege túriktiń «Fenerbahchesiniń» ornyna qatysyp qalýy ábden yqtımal. Onda bul lıgada Qazaqstannan eki komanda oınaıtyn bolady. Osynyń aldynda ǵana bul týrnırge Qaraǵandynyń «Shahteri» aýystyrylǵan bolatyn. Endeshe, osynyń sátin kúteıik.
Rýslan Igilik.
