Qala ákimi Nurlybek Nálibaev pen oblystyq jumyldyrý daıyndyǵy basqarmasynyń basshysy Qaıratbek Sársenbaev oblys ákimine karantındik sharalardy saqtaý baǵytynda atqarylyp jatqan jumystar esebin berdi.
- Qazir qalada 6 tosqaýyl beketi qoıyldy. Árqaısysyna áskerı bólimniń 14 qyzmetkeri bekitilgen. 10 adamdyq shatyr tigilgen. 1 arnaıy tehnıka men adam tasýǵa arnalǵan kólik te qarastyrylǵan, - dedi basqarma basshysy.
Tosqaýyl beketteriniń jumys isteý tártibi qatań saqtalady. Munda oblystyq polısııa departamenti men densaýlyq saqtaý basqarmasynyń mamandary táýlik boıy qyzmet atqarady.
Oblys ákimi karantın talaptarynyń saqtalýyn mindettep, tosqaýyl beketterindegi qyzmetkerlerdiń ystyq tamaqpen qamtamasyz etilýin nazarda ustaý qajettigin eskertti.
