Qalalyq bilim basqarmasynyń jetekshisi qashyqtan bilim berý máselelerine qatysty brıfıng ótkizip, mektep oqýshylaryn onlaın oqytýdyń jaı-japsaryna toqtaldy.
Qashyqtan dáris berýdi synaý barysynda muǵalimder men oqýshylardyń 90 paıyzy onlaın-baılanysqa shyǵa alǵan.
Sonymen 6 sáýirden bastap Almaty qalasynyń barlyq mektepteri qashyqtyqtan oqytýǵa kóshedi.
– Qazirgi ýaqytta bizdiń pedagogtar oqytýdyń jańa formatyna kóshýde óte aýqymdy jumystardy atqaryp otyr. Muǵalimder ózderiniń sabaq josparlary men dáristerine tolyqtaı ózgeris engizýde.
Bilim basqarmasy mektepterde qashyqtyqtan oqytýdy uıymdastyrý úshin kýrstar ótkizip jatyr.
Bilim jáne ǵylym mınıstrligi Bilimland, Daryn.onlaın, Kúndelik jáne basqa da ınternet platformalarynyń oqytý kontentine tegin qoljetimdilik týraly kelisimge qol jetkizdi.
Árıne, tehnıkalyq kómek kórsetýdi uıymdastyrý óte mańyzdy másele. Bizdiń 276 myńǵa jýyq stýdentimiz ben pedagogterimiz tehnıkalyq jáne ádistemelik kómekti qajet etedi, sondyqtan ár mektep, ár kolledj, bilim bólimderi, Bilim basqarmasy jáne Bilim jáne ǵylym Mınıstrligi deńgeıinde koll-ortalyqtar ashylǵan, – dedi Lázzat Jylqybaeva
Orta bilim berýde qashyqtyqtan oqytýdy uıymdastyrý Almaty qalasynda eki baǵyttan turady:
Birinshi baǵyt – ınternet júıesi arqyly, sabaq júrgizýge bolatyn moodle, Google classroom jáne basqa da platformalar sekildi ınternet platformalary arqyly jumys.
Biraq, bul ınternet platformalaryn paıdalaný úshin, árıne, bizge tıisti jabdyqtar qajet.
Qashyqtyqtan oqytý úshin, oqýshylar men muǵalimderge mekteptegi kompıýterlerden 10 myń kompıýter jaýapty saqtaýǵa berildi. Qalǵan 3 myńnan astam oqýshy, janbasyna qarjylandyrý sheńberinde qarastyrylǵan qarajatty únemdeý esebinen, kompıýterlik qurylǵylardy (noýtbýkter, planshetter) qosymsha satyp alý esebinen qamtamasyz etiledi.
Mektep jasyndaǵy balalary tek 1 dana kompteri bar kópbalaly otbasylar demeýshilik qarajat esebinen qosymsha kompıýterlik tehnıkamen qamtamasyz etiledi (bir otbasyda 5 jáne odan kóp oqýshy).
Qazirgi ýaqytta Bilim Basqarmasy «Ksell», «Kazahtelekom» jáne «Bılaın» baılanys operatorlarynan ár túrli tarıftik josparlardy qosýǵa qatysty túsken usynystardy jan-jaqty qarastyryp otyr.
«Ksell», «Bılaın», «Tele2», «Altel» uıaly baılanys operatorlary arqyly 714 muǵalim men 4 000 otbasy mektep oqýshylarynyń ınternetke qoljetimdiligin «Qazaqtelekom» arqyly sheshý týraly aldyn ala sheshilip otyr.
Ekinshi qosymsha baǵyt– bul telearnalar arqyly oqytý, teledıdar sabaqtary. Tórtinshi toqsannyń basynan bastap 1–11 synyp oqýshylary úshin aptasyna bes kún «Balapan» jáne «El-Arna» telearnalarynda sabaqtar kórsetiledi.
Bilim Basqarmasy «Almaty» telearnasymen birlesip, 9 jáne 11-shi synyp mektep túlekteriniń baǵdarlamalyq materıaldy sapaly ıgerýi úshin, telearnalarda kórsetiletin jaratylystaný-matematıkalyq baǵyttaǵy sabaqtardy qosymsha jazyp jatyr. Sonymen qatar,QR BjǵM QazaqRadıosy-radıoarnasy arqyly oqytý týraly kelisimge qol jetkizdi.
Tórtinshi toqsannyń bastalýyna sátti daıyndalý úshin, búgin, 01.04.2020 jyly Búkil respýblıka boıynsha synaq sabaqtary ótkizilýde. Negizgi maqsaty – júıeniń qalaı jumys jasaıtyndyǵyn bilý úshin, olarmen baılanys ornatýǵa, testileýge, qarap shyǵýǵa jáne osy júıeniń jumysymen tanysýǵa daıyndyq.
– Beısenbi kúni, ıaǵnı 2 sáýirrde Respýblıka boıynsha ata-analar jınalysy ótedi. Bizdiń mindetimiz – ata-analarǵa qashyqtyqtan oqytýdyń qalaı uıymdastyrylatynyn, ata-analardan qandaı kómek qajet ekenin jáne jalpy elimizde oqý úderisiniń qalaı júretinin túsindirý.
Juma kúni, 3 sáýirde elimizde Internet baılanysy arqyly, basqa júıeler arqyly synyp saǵattaryn ótkizý josparlanǵan.
Sondaı-aq, qashyqtyqtan oqytýǵa kóshýge baılanysty muǵalimderdiń jalaqysy ózgerissiz qalatyndyǵyn, stýdentter de shákirtaqy alatyndyǵyn habarlaımyz.
Qazirgi ýaqytta, osy jaǵdaıda ata-analardyń qatysýy óte mańyzdy ról atqaratynyn aıtqym keledi, sondyqtan men barlyq ata-analardan shydamdylyq tanytyp, oqý úrdisiniń osylaısha uıymdastyrylýyna túsinistikpen qaraýyn suraımyn, – dedi qalalyq Bilim basqarmasynyń basshysy.
ALMATY
