Dúnıe-jaryqty úreı bılep, jer emgen pende bitken párýána keıipke enip, jaman dertpen alysyp jantalasýda... Alaıda, adam balasy jantalastan meıirimge kóship, tas-túıin bop tatýlyqqa oıysty... Qazaq degen qaıyrymy mol halyqty bir kisideı birlik pen dertke qarsy tirlikke, kúreske shaqyrǵan Prezıdentimiz álemdegi elderdiń aldy bolyp, halqyn qushaǵyna alyp, aty jaman indetten qorǵashtaý maqsatyndaǵy úndeýi túbi qaıyr jeńiske, aldaǵy qýanyshqa degen uly senim uıalatty. Qasym-Jomart Kemeluly talaı asý-asý belderden aman qalǵan elin bul kezeńnen de kenen isterimen aman ótkizerine kúmán joǵyn aıqyn bildirdi, alapat kúrestiń qan ortasynda, haq basynda ekenin de anyq baıqatty. Ár azamattyń nazarda ekeni, olardyń árqaısysynyń ómiri men densaýlyǵy úshin memlekettiń sońǵy tıynyna deıin sarp eterin batyl aıtty! Jıǵan-tergen, baqýat-baılyq adam úshin, onyń amandyǵy men ultyna degen uly mahabbatynyń jolynda qurbandyq ekenin eske saldy! Aıdaýǵa kónbes qazaǵym, aıtqanǵa kóneıik, basyn báıgege tikken memleket basshysynyń tóńiregine jınalaıyq tárge jyǵylaıyq! Judyryqtaı jumylaıyq! Biz jeńemiz! Biz birgemiz!
