Memlekettik bas sanıtarlyq dáriger Aıjan Esmaǵambetova álemde koronavırýs indetiniń jaǵdaıy áli de turaqty emes ekenin aıtady.
«Vırýs juqtyrǵandardyń sany artyp keledi, búginde álemde indetke shaldyqqan 854 663 adam bolsa, onyń ishinde 42 046 adam qaıtys boldy. Elimizde 369 naýqas tirkeldi. Qazaqstan Respýblıkasynyń turǵyndary arasynda taralýyn boldyrmaý maqsatynda men búgin «Qazaqstan Respýblıkasy turǵyndarynyń qaýipsizdigin qamtamasyz etý sharalary týraly» qaýly shyǵardym, soǵan sáıkes ınfeksııanyń taralýynyń qazirgi sıpatyn eskere otyryp, biz elimizge kelgen adamdardy baqylaýdy jalǵastyramyz. Tutastaı alǵanda negizgi ekpin aýrýdyń aldyn alýǵa baǵyttalǵan. Búginnen bastap shetelden kelgen barlyq adamdar karantındik aýrýhanalarda oqshaýlanatyn bolady. Nátıjelerdi alǵannan keıin oń nátıjesi bar adamdar emdeý úshin juqpaly aýrýlar aýrýhanasyna, al teris nátıjesi bar adamdar oqshaýlanýǵa úı karantınine jiberiledi. Bul ereje, ádettegideı, avıakompanııa ushqyshtaryna jáne lokomotıv brıgadalarynyń múshelerine, temir jol kóligimen baılanysty adamdarǵa jáne shetelden keletin júkterdi halyqaralyq avtomobılmen tasymaldaýdy júzege asyratyn júrgizýshilerge qoldanylady. EAEO men О́zbekstan Respýblıkasynan temir jol jáne avtomobıl ótkizý pýnktteri arqyly kelgen adamdar úıde 14 kún boıy oqshaýlanýǵa jatady. Syrtqy ister mınıstrliginiń kelisimi boıynsha Qazaqstanǵa kelgen dıplomattar men olardyń otbasy múshelerin úı karantıninen ótkizýdi, mindetti túrde tekserýdi kózdeıtin norma engizildi», dedi ol.
Sonymen qatar Bas sanıtarlyq dáriger Qazaqstanda koronavırýs ınfeksııasynan qaıtys bolǵandardy jerleý algorıtmi jarııalanǵanyn tilge tıek etti.
«Algorıtmge sáıkes, máıitti týystaryna berýge bolmaıdy. Jaqyn týystaryna ǵana 3 metr qashyqtyqta qoshtasýǵa 30 mınýt ýaqyt beriledi. Jerleý rásimine bir ǵana dinı qyzmetker qatysady. Jerleý rásimi sanıtarlyq-epıdemııalyq qyzmet jumysshylarynyń baqylaýymen jáne jergilikti atqarýshy organnyń qatysýymen ótedi jáne epıdemııaǵa qarsy barlyq sharalar qatań saqtalady. Bizdiń árqaısymyz óz densaýlyǵymyzǵa, jaqyn adamdarymyzdyń densaýlyǵyna jáne jalpy qoǵamǵa jaýaptymyz. Sondyqtan saqtyq sharalaryn qatań ustanýǵa shaqyramyn», dedi A.Esmaǵambetova.
