Bastapqy kezde oblys kóleminde balabaqshalarǵa jalpy balabaqsha kontıngentiniń 48% qatyssa, búgingi kúni olardyń 11,0% (4429) qatysyp otyr.
Ustazdar 16 naýryzdan bastap olar úı jaǵdaıynda qashyqtyqtan jumys jasaýda. Qazirgi kezde biz olardyń sıfrlyq resýrstamen jumys jasaýyn jetildirý baǵytynda jumystar atqarýdamyz, dedi Mańǵystaý oblysy Bilim basqarmasynyń basshysy A.Seıdalıev.
Mektepterge qaraǵanda kolledjder men JOO qashyqtyqtan oqytýǵa daıyndyq deńgeıi joǵary, sebebi olarda burynnan da qashyqtyqtan oqytý túri qoldanylady. Deı turǵanmen, olardaǵy sabaqtardyń ýaqytyly kestege sáıkes ótýine basqarma tarapynan kúndelikti monıtorıng júrgizilýde.
Kúndizgi bólimde oqıtyn 12404 stýdent qashyqtyqtan oqytylady. 30 naýryzdan bastap oqý prosesine syrttaı bólim stýdentteri qosyldy.
Onyń ishinde, 23 kolledj EDUS platformasy, «Meıirbıke» kolledji MEIRBIKE platformasy jáne Sh. Esenov atyndaǵy ýnıversıteti janyndaǵy kóp salaly kolledji «Lessons.yu.edu.kz» arqyly oqytýda jáne olarǵa 1157 pedagog tartylǵan.
Alystaǵy aýyldyq jerlerde 54 stýdent turady, onyń ishinde, 31 stýdent, ınternet jelisi joq aýyldarda turady, 23 stýdenttiń elektrondy qurylǵylary joq. Internet jelisiniń bolmaýyna baılanysty olar aptasyna 3 ret týysqandarynyń úıine baryp úı tapsyrmalaryn oryndaıdy.
Al, búgingi kúnge deıin orta bilim berýde qashyqtyqtan oqytý elimiz boıynsha bolmaǵan jáne bul másele «Bilim týraly» Zańda da qarastyrylmaǵan. Sondyqtan, búgingi tańda orta bilim berýdegi qashyqtyqtan oqytý máselesi eń kúrdeli másele bolyp otyr.
Qazirgi tańda búkil álem boıynsha 850 mıllıonǵa jýyq oqýshy qashyqtyqtan oqytý formatyna kóshti, osyndaı shara qabyldaýǵa barlyq el májbúr bolyp otyr. Bilim basqarmasynyń basshysy bul ustazdarǵa, ata-analarǵa, barlyq bilim berý uıymdaryna úlken synaq dep baǵalap otyr, óńirde jaǵdaıǵa oraı tıisti daıyndyq jumystary uıymdastyrylmaq.
