Ásirese birinshi kezekte ınfeksııalyq aýrýhana, jedel járdem qyzmeti, provızorlyq jáne observasııalyq gospıtalder. Sebebi olar óńirde koronavırýstyń taralýyn aldyn-alýda kúndiz-túni aıanbaı eńbek etýde. Samat Musabaev, Irına Belıaeva, Shamrad Teleýbaev, Oljas Álmerekov, Raýf Alıev, Anar Mıramır sııaqty kásipkerler, oblystyq máslıhattyń depýtaty Abbat О́risbaev, balalar úıiniń dırektory Sarý Ermuhanova qazir birigetin mezgil ekendigin aıtady. Sebebi Covid-2019 epıdemııasymen kúreste aldyńǵy qatarda aq halatty abzal jandar turǵany belgili jáne olarǵa meılinshe qoldaý kórsetý mańyzdy.
Mańǵystaý oblysynyń shtattan tys bas ınfeksıonısti Gúlbaný Nurjanovanyń aıtýynsha, qazirgi tańda dárigerler men medbıkelerge qıyn jaǵdaıda jumys jasaýǵa týra kelip tur, ásirese ınfeksııalyq stasıonarlar.
Jalpy jumys kóleminiń artýy barlyq medısınalyq uıymdarda sezilip otyr. Máselen, oblystyq jedel jáne shuǵyl medısınalyq járdem stansııasyna shaqyrtýlar burynǵyǵa qaraǵanda 1,5 esege artqan.
