Sodan beri «О́rleý» biliktilikti arttyrý ulttyq ortalyǵynyń» fılıaly Mańǵystaý oblysy boıynsha pedagogıkalyq qyzmetkerlerdiń biliktiligin arttyrý ınstıtýty bul baǵytta jan-jaqty daıyndyq jumystaryn júrgizip, qajetti aqparattyq-tehnologııalyq múmkindikti paıdalanyp, josparlanǵan BA kýrstarynyń kontentterin jedel túrde onlaın formatqa aýystyrýda. 30 naýryzdan bastap keıbir memlekettik kýrstar onlaın formatta oqytý bastaldy.
Oqytý sharalary Google platformasy jáne YouTube kanaly, Google Docs servısi arqyly júzege asady. Osynda kýrs boıynsha vıdeodárister, prezentasııalar, basqa da beıne materıaldar, qosymsha sandyq resýrstar (SOR), qosymsha resýrstarǵa siltemeler, trenerdiń tapsyrmalary, baqylaý testteri, bilim alýshy pedagogterdiń oryndaǵan ózindik jumys tapsyrmalary ornalastyrylady, osylaısha keri baılanys jasalady. Sondaı-aq trenerlerimiz oblys pedagogterine, ásirese shalǵaı aýyldarda turatyndarǵa, onlaın rejımde (ZOOM strımıng platforma, Skype, WhatsApp jáne Telegram chaty arqyly) vebınarlar, vıdeokýchıngter uıymdastyrý arqyly ádistemelik kómekter berý, kýrstan keıingi súıemeldeýdi jalǵastyrýda.
Sońǵy kezdegi pedagogtarmen ózara baılanys jasaýdyń taǵy bir baǵyty - mektep pedagogterine vırtýaldy keńes ótkizdirip, tórtinshi toqsandaǵy pánder boıynsha beıne-sabaqtardy daıyndaý reti jaıly ádistemelik usynymdar berý jáne usynylǵan úzdik jumystar arasynda Respýblıkalyq konkýrs uıymdastyrylady. Bul konkýrs qashyqtyq formatta sabaqtardy uıymdastyrý maqsatynda QR BjǴ Mınıstrliginiń tapsyrmasy boıynsha ótkiziledi, mańyzdysy, elimizdiń vırtýaldyq bilim berý keńistiginde bilim berýdiń úzdik beıne-sabaqtar qoryn qurý úshin.
