Memleket basshysy elimizdegi tótenshe jaǵdaıǵa jáne memlekettiń daǵdarysqa qarsy is-sharalaryna baılanysty jasaǵan arnaıy málimdemesinde bıznes qaýymdastyqqa ekonomıkalyq soqqy bolatynyn atap ótti. Bul rette týrıstik salanyń da ájeptáýir shyǵyn kóretini belgili.
«Sarapshylardyń esebinshe, týrızm ındýstrııasyna koronavırýs indetinen keletin shyǵyn 11-shi qyrkúıektegi teraktten de birneshe ese aýyr bolatynǵa uqsaıdy. Dese de, bizdiń elimiz osy bir qysyltaıań shaqtan keıin týrıstik salanyń eńse tiktep ketýine yqpal etý úshin shaǵyn jáne orta bızneske qoldaý kórsetýdiń buryn-sońdy bolmaǵan sharalaryn qolǵa alyp otyr. Naqtyraq aıtsam, shaǵyn jáne orta bıznes ókilderi bıylǵy birinshi qazanǵa deıin eńbekaqy tóleý qorynan ustalatyn salyqtan bosatylmaq. «Bıznestiń Jol Kartasy – 2025» jáne «Qarapaıym zattar ekonomıkasy» baǵdarlamalary aıasynda ekonomıkanyń barlyq salasy úshin (6 % ósimmen kómek-qarjy) berilmek», dedi A. Raıymqulova.
Onyń aıtýynsha, Memleket basshysy men Úkimettiń dál osy bıznes ókilderine jasap jatqan qamqorlyǵyn, ıaǵnı salyqtan bosatý sharasyn qonaq úı bıznesi men týrızm salasyndaǵy kásipkerlerge daǵdarystan keıingi kezeńge daıyndalý úshin berilgen múmkindik dep qarastyrǵan jón.
«Máselege tereńirek úńilsek, eldegi týrıstik salanyń damýyna dál osy týrıstik operatorlardyń qosar úlesi qomaqty. О́z aqshasymen qosa ár týrısten alǵan qarajattyń qomaqty somasyn qonaq úıler men áýe tasymaldaýshylaryna aýdaryp qoıady. Al álemde mynandaı ahýal ornap, tutastaı sala toqyrap qalǵanda, sol salǵan aqshany keri qaıtarý mehanızmi ózge salalarǵa qaraǵanda erekshe», dedi mınıstr.
Qazirgi tańda 26 týragenttik óz klıentterine 3,8 mlrd teńgeni qaıtarýy kerek eken.
«Olar búginde osy qarajatty qaıtarý úshin óz seriktesterimen kelissózder júrgizýge. Al zań turǵysynan rásimderdi sheshýge tıisti ýaqyt qajet. Osyǵan baılanysty, azamattardan jaǵdaıǵa túsinýshilikpen qaraýdy jáne kúte turýdy suraımyz.
«Týrıstik qyzmet týraly» Zańnyń 17-babyna sáıkes týrısterdiń qarajatyn týroperatorlar is júzinde shyǵarǵan shyǵyndaryn shegere otyryp qaıtarady jáne týroperatorlar da óz tarapynan týyndaǵan jaǵdaıdan shyǵýdyń túrli joldaryn usynady. Olardyń arasynda demalys kúnderin aýystyrý múmkindigi bar. Iаǵnı, sapardy basqa merzimge keıinge qaldyrýǵa bolady. Osyǵan uqsas mysaldar kóp», - dedi mınıstr.
Onyń aıtýynsha, mınıstrlik tarapynan máseleni ońtaıly sheshý maqsatynda Indýstrııa jáne ınfraqurylymdyq damý mınıstrligimen birlesip, otandyq jáne sheteldik áýe-tasymaldaýshylardyń qatysýymen keńes ótti. Onda bıletterdi aıyppulsyz qaıtarý jóninde sheshim qabyldandy.
Mınıstrlik búginde týragenttiktermen tótenshe jaǵdaıdan keıingi kezeńdi, ishki týrızmdi damytýǵa ekpin salý máselelerin pysyqtaýda.
