Aımaqtar • 02 Sáýir, 2020

Aqtaý: Qazaqstan halqy Assambleıasy janyndaǵy analar keńesi 300-ge jýyq maska taratty

340 ret

kórsetildi

1 mın

oqý úshin

Mańǵystaý oblystyq Qazaqstan halqy Assambleıasy janyndaǵy Analar keńesiniń músheleri 300-ge jýyq medısınalyq maska tigip, Aqtaý qalasyndaǵy oralmandardy beıimdeý jáne kiriktirý ortalyǵyna, balalar úıinen tárbıelenip shyqqan otbasyly jastarǵa, múgedek balaly, kóp balaly otbasylarǵa jáne №6656 áskerı bólimniń sarbazdaryna tegin taratty.Bul týraly atalǵan uıymnyń baspasóz qyzmeti habarlady.

Gúlaıym DÁÝITBAI

Aqtaý: Qazaqstan halqy Assambleıasy janyndaǵy analar keńesi 300-ge jýyq maska taratty

- Búgin men oblystyq QHA janyndaǵy Analar keńesiniń qoldaý kórsetip kelgenderin kórip, biz qandaı qıyn jaǵdaı bolmasyn, birge ekenimizge taǵy da kózim jetti. Sizderge úlken raqmet! Biz árdaıym birgemiz! - dedi Aqtaý qalasy, №6656 áskerı bólimniń komandıri, podpolkovnık Marat Rahmanov.

Maskany jýyp, útiktep, qaıta qoldanýǵa bolady. Birneshe qabat matadan tigilgen betperde aýany erkin ótkizip turady. Sonymen qatar Analar keńesiniń tóraıymy Berneeva Zýlfııa indettiń aldyn alý úshin qaýipsizdik sharalaryn eskerý mindetti ekendigin aıtyp, adamdarǵa betperdeni qalaı qoldaný kerektigi kórsetilgen betshelerdi úlestirdi jáne sol betsheler úılerdiń kire beris aldaryna japsyryldy.

- Qazirgi tańda halyqtyń basyna úlken qaýip tur. Elbasy, Tuńǵysh Prezıdent N. Nazarbaev aıtqandaı, qıyndyqta halyqqa qol ushyn berý – ıgi dástúr. Sol ıgi dástúrimizdi joǵaltpaı, barshamyz qıyn kezde bir-birimizge qoldaý kórsetýge tıispiz. Osy oraıda, oblystyq QHA janyndaǵy Analar keńesiniń múshelerine osyndaı eńbekteri úshin alǵys bildirgim keledi. Biz árqashan birgemiz! - dedi Berneeva Zýlfııa.