Kólik quraldary joǵary qaýiptilik kózi bolyp sanalatyndyqtan, olarǵa sáıkestikti baǵalaý talap etiledi. Avtokóliktiń árbir modeline, qajet bolǵan jaǵdaıda daıyndaýshyny álemniń kez kelgen núktesinde sáıkestendirýge múmkindik beretin WMI (World Manufacturers Identification) kólik quralyn daıyndaýshynyń halyqaralyq kody áriptermen jáne sandarmen jazylady. Qazir Halyqaralyq standarttaý jónindegi uıymnyń (ISO) tapsyrmasy boıynsha WMI kodtarynyń ǵalamdyq derekter bazasyn tirkeýdi jáne júrgizýdi AQSh SAE (Society of Automotive Engineers) avtomobıl ınjenerleri qoǵamy júzege asyrady.
Keńes odaǵy kezinde kólik quraldarynyń sáıkestigin baǵalaý biryńǵaı organ arqyly júzege asyryldy. KSRO ydyraǵan sátten bastap árbir el sáıkestikti baǵalaýdy alýdyń óz tásilderin izdedi.
Osy máseleni sheshý úshin Tehnıkalyq retteý jáne metrologııa komıteti Standarttaý týraly zań jobasyn ázirleý kezinde Qazaqstanda WMI halyqaralyq kodyn berý rásimin engizý qajettiligi týraly usynys engizdi. Qazaqstannyń depýtattary bul bastamany qoldady. Máselen, «Standarttaý týraly» Qazaqstan Respýblıkasynyń Zańy kúshine engennen keıin otandyq kólik quraldaryn óndirýshiler Qazaqstanda WMI kodyn óteýsiz negizde ala alady.
Bul úshin kólik quraldaryn óndirýshiler Tehnıkalyq retteý jáne metrologııa komıtetine júginýi tıis.
WMI berý jónindegi quzyretti uıymnyń zańymen Qazaqstan standarttaý jáne sertıfıkattaý ınstıtýtynyń (budan ári – QazStIn) Tehnıkalyq hatshylyǵy aıqyndaldy.
Tehnıkalyq hatshylyq ótinimniń Halyqaralyq sáıkestendirý kodtaryn berý jónindegi qaǵıdalarǵa sáıkestigin jan-jaqty qaraýdy júrgizedi jáne belgilengen tártippen WMI kodyn beredi.
QazStIn Tehnıkalyq hatshylyǵy alǵashqy ótinimderdi qarady jáne qazir oń qorytyndylar men halyqaralyq sáıkestendirý kodyn berý týraly kýálik kólik quraldaryn jasaýshy eki qazaqstandyq kásiporyn – bul «Town Machinery» JShS-ǵa (kommýnaldyq kólik quraldaryn óndirý) jáne «BATYS TRAILER» JShS-ǵa (tirkemelerdi jasaý) berildi.
SAE-ǵa ǵalamdyq derekter bazasyna tirkelý úshin habarlama jiberildi.
