Qala basshsy aldymen «Jibek joly» bazarynda bolyp, ondaǵy saýdagerlermen júzdesti. Satyp alýshylardan baǵa jóninde surady. Kóterme saýda bazarynda sońǵy kúnderi azyq-túlik baǵasynyń 30-40 teńgege tómendegeni baıqalady. Ony satýshy men satyp alýshy da rastap otyr.
Atap aıtar bolsaq, kartop 60 teńgeden bastap 130 teńgege deıin saýdalanýda. Pııaz 60- 90 teńge aralyǵynda, sábiz 40 -100 teńgeden satylýda. Qyryqqabattyń kelisi 45-90 teńgeden, qyzylsha 70-100 teńgeden, turyp 45-80 teńgeden satylyp jatyr.
Al, qala ortalyǵyndaǵy kóterme «Qazybek» bazarynda birshama baǵanyń turaqtanǵany baıqalady. Bólshek saýdada azdaǵan artyqshylyqtar bar. Tıisinshe bıylǵy ónimderdiń baǵasy arzandaǵan. Atap aıtar bolsaq, jergilikti qııar 350 teńgeden satylýda.
Qala ákimi bazarǵa kelgen árbir turǵynnyń shaǵymyn jeke-jeke tyńdap, baǵany turaqtandyrý úshin atqarylyp jatqan jumystardy túsindirdi. Eń bastysy bılik bazardy aralaǵan kezde baǵany arzandatyp, odan keıin kóterip jibergen oryndardyń jazalanatynyn jetkizdi.
Murat Áıtenov kásipkerlerdi osyndaı qıyn-qystaý kezinde paıda taýyp qalýdy oılamaı elge meılinshe qoly úshyn berýge shaqyrdy.
Qala ákimi qos bazarǵa tótennen kirip ishki saýda oryndaryn aralady. Kópshilik tamaqtanatyn dámhana jumysyn kórdi. Ondaǵy kemshilikterdi tezdetip joıýǵa tapsyrma berdi. Olaı etpegende bazar jabylatynyn eskertti.
Shymkent
