ELBASY QABYLDADY

Memleket basshysy Nursultan Nazarbaev Qazaqstan Respýblıka­sy Parlamenti Májilisiniń Tór­aǵasy Oral Muhamedjanovty qabyldady, dep habarlady Qa­zaqstan Respýblıkasy Prezıdenti­niń baspasóz qyzmeti. O.Muhamedjanov Prezıdentti Qazaqstan Respýb­lı­kasy Parla­menti­niń tórtinshi sessııasynyń ashy­lýyn­da Elbasynyń sóılegen sózinde jáne “Jańa on­jyldyq – jańa ekonomıkalyq órleý – Qazaq­stan­nyń jańa múmkindik­teri” atty Qazaqstan halqyna Jol­­daý­ynda belgilengen mindet­terdi oryn­daý jónin­degi palata depýtattary­nyń, “Nur Otan” HDP frak­sııa­sy­nyń jumysy týraly habardar etti. Áńgimelesý barysynda sondaı-aq, elimizdiń jedel ın­dýs­trııalyq-ınnovasııalyq damý baǵdarlama­sy­nyń qu­qyq­tyq bazasyn zańnamalyq turǵyda qamtamasyz etý jó­nindegi parlamentshilerdiń qyzmeti týraly áńgime boldy. – Prezıdent depýtattyq kor­pýstyń jumysyn joǵary baǵalady jáne birqatar mańyzdy zań jo­balaryn jedel jáne sapaly ázir­leýdi qamtamasyz etý jóninde bir­qatar naqty mindetter qoıdy, ­– dedi Májilis Tóraǵasy jýrnalıs­terge arnalǵan brıfıngte. *  *  * Memleket basshysy Nursultan Nazarbaev Ádilet mınıstri Rashıd Túsipbekovti qabyldady, dep ha­barlady Qazaqstan Respýblıkasy Prezıdentiniń baspasóz qyzmeti. Mınıstr Prezıdentti vedom­stvonyń aǵymdaǵy qyzmeti, “Jańa onjyldyq – jańa ekono­mıkalyq órleý – Qazaqstannyń jańa múm­kindikteri” atty Prezı­denttiń Qa­zaqstan halqyna Jol­daýynda alǵa qoıylǵan mindet­terdi, sondaı-aq Qazaqstan Res­pýb­lıkasynyń 2020 jylǵa deıingi damýynyń Strate­gııa­lyq jos­paryn oryndaý týraly habardar etti. Atap aıtqanda, zań­na­malyq qyz­metti jetildirý jó­nin­de qa­byldanǵan sharalar, turǵyn­darǵa memlekettik qyzmet kórsetý sa­pasyn arttyrý, elimizdiń qyl­mys­tyq-atqarý júıesindegi isterdiń jaǵdaıy týraly baıandady.