JAMPOZDAR JEŃIMPAZ ATANDY

Astana qalasynda elimiz kıkbok­sınginiń 20 jyldyq merekesine oraılastyrylyp uıymdastyrylǵan el Kýbogy óz máresine jetti. 25-28 naý­ryz aralyǵynda ótip, Qazaqstan­nyń 13 oblysy men Astana, Almaty qalalarynyń 200-den astam úzdik kıkboksshylary qatysqan bul synda el jarystarynyń birneshe dúrkin chempıondary, álem chempıonatta­rynyń, Azııa oıyndarynyń júl­degerleri men jeńimpazdary boldy. Aqtyq kezeńder fýll-kontakt bóliminde erler arasynda 11, áıelder arasynda 5 salmaq dárejesinde ótse, loý-kık bólimindegi jeńimpazdar 12 salmaqta anyqtaldy. Áıelder arasyndaǵy jarystarda Qaraǵandy jáne Aqmola oblysta­ry­nyń sportshylaryna teń kelgen kık­boksshylar tabylmady. О́tken jylǵy el chempıony, Vetnamda ótken jabyq ǵımarattardaǵy Azııa oıyndarynyń qola júldegeri aqmolalyq Sánııa Sú­leı­menova 48 kılo salmaqta ataǵyn bul joly da saqtap qaldy. Onyń jer­lesi Marjan Álimova aqtyq ke­zeń­de 52 kılo salmaq dárejesinde shyǵysqazaqstandyq sportshy, Taı elinde ótken Azııa Oıyndarynyń júldegeri Jadyra Qýanyshevany jeńip shyqty. 56 kıloda Irına Zenına jeńimpaz atansa, 65-te Aıalıta Sahova jeńimpaz atandy. Ekeýi de Qaraǵandy oblysynyń ókili. 65 kılodan asa salmaq dáreje­sin­de aqtyq kezeńniń jeńimpazy retinde Ońtústik Qazaqstan oblysynyń ókili Álııa Qambarova tanyldy. Erler arasyndaǵy fýll-kontakt bólimindegi aqtyq kezeńniń saıystary alǵashqy salmaq dárejesinen bastap asa tartysty ótti. Máselen, 54 kı­lo­da fınalda 2007 jylǵy álem chem­pıo­ny, qostanaılyq Dıdar Kúnbatyrov pen 2009 jylǵy Qazaqstan Kýbogy­nyń jeńimpazy, Aqtóbe oblysynyń sportshysy Erkebulan Omarov kez­desti. Bul jekpe-jekte bir daýys erek­sheligimen jeńiske Dıdar jetti. 57 kıloda shyǵysqazaqstandyq Álem­jan Qudaıbergenov SQO ókili 2007 jylǵy álem chempıony Ámir Tinálındi jeńdi. Loý-kık bóliminde 57 kılo salmaq dá­rejesinde Álemjannyń aǵasy, Azııa Oıyndarynyń eki dúrkin je­ńimpazy (Makao-2007, Taıland-2009) Baýyrjan Qudaıbergenov te asa tartysty jekpe-jekte 2008 jylǵy jastar arasyndaǵy álem chempıony Erzat Seterbaevtan basym tústi. 67 kılo salmaqtaǵy saıysty elorda jankúıerleri asyǵa kútken edi. Asta­nalyq Áset Taıǵanov pavlo­dar­lyq Ersaıyn Qasambaevpen kezdesti. О́tken jylǵy el chempıonatynyń aq­tyq ke­zeńinde kezdeskende de jeńis Ersaı­ynnyń úlesine tıgen-di. Bul joly da Ersaıynnyń asyǵy alshysynan tústi. 71 kılo salmaqta da bas júlde Pavlodar oblysynyń úlesine tıdi. Saıan Jaqypov fınalda qostanaılyq sportshy Erik Berjanovtan aılasyn asyrdy. Bul jylǵy jarysqa qatysý­shy­lar­d­yń bári aldyn-ala jarnalardy jı­nady. Jınalǵan 500 000 teńge qa­ra­jat – Almaty oblysynyń Qyzyl­aǵash aýylyndaǵy tótenshe jaǵdaıdan zardap shekkenderge qarjylaı kómek kórsetý úshin aýdarylmaq nıette eken. Ábdirahman QYDYRBEK, Astana.